ياپونىيەنىڭ بەش پاراخوتى دياۋيۈ ئارىلى دېڭىز تەۋەلىكىگە قانۇنسىز كىردى، دۆلىتىمىزنىڭ دېڭىز ساقچى پاراخوتى ئاگاھلاندۇرۇپ قوغلىۋەتتى

　　جۇڭگو دېڭىز ساقچى ئىدارىسىنىڭ ئاخبارات باياناتچىسى گەن يۈ مۇنۇلارنى بىلدۈردى: 30-چېسلا، ياپونىيەنىڭ «شىن شىۋەن» ناملىق بەش پاراخوتى دياۋيۈ ئارىلى دېڭىز تەۋەلىكىگە قانۇنسىز كىردى، دۆلىتىمىز دېڭىز ساقچى پاراخوتى قانۇن بويىچە زۆرۈر بولغان باشقۇرۇش، تىزگىنلەش تەدبىرلىرىنى قوللاندى ھەمدە ئاگاھلاندۇرۇپ قوغلىۋەتتى. دياۋيۈ ئارىلى ۋە ئۇنىڭ ئەتراپىدىكى ئاراللار ئەزەلدىن دۆلىتىمىزنىڭ زېمىنى، دۆلىتىمىزنىڭ دېڭىز ساقچى پاراخوتلىرى قانۇن بويىچە باشقۇرۇش تەۋەلىكىدىكى دېڭىز تەۋەلىكىدە دېڭىز ھوقۇقىنى قوغداش بويىچە قانۇن ئىجرا قىلىش پائالىيىتىنى قانات يايدۇرىدۇ، ياپونىيەنىڭ بىلجىرلاش ھوقۇقى يوق. بىز ياپونىيەنى بۇ دېڭىز رايونىدىكى بارلىق قانۇنغا خىلاپ ھەرىكەتلىرىنى دەرھال توختىتىپ، بۇنداق ئىشلارنىڭ قايتا يۈز بەرمەسلىكىگە كاپالەتلىك قىلىشقا دەۋەت قىلىمىز.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى