خەلق تورى ئۇيغۇرچە قانىلىنىڭ 11-ئاينىڭ 22-كۈنى بېيجىڭدىن بەرگەن تېلېگراممىسى: تۈركىيە ھەققانىيەت ۋە تەرەققىيات پارتىيەسىنىڭ تەكلىپىگە بىنائەن، جۇڭگو كوممۇنىستىك پارتىيەسى مەركىزىي كومىتېتى تاشقى ئالاقە بۆلۈمىنىڭ مۇئاۋىن باشلىقى چيەن خۇڭشەن باشچىلىقىدىكى جۇڭگو كوممۇنىستىك پارتىيەسى ۋەكىللەر ئۆمىكى 11-ئاينىڭ 17-كۈنىدىن 20-كۈنىگىچە ئىستانبۇلدا ئاسىيا پارتىيەلەر خەلقئارا يىغىنىنىڭ 11-نۆۋەتلىك يىغىنىغا قاتناشتى ھەم تۈركىيەدە زىيارەتتە بولدى. بۇ مەزگىلدە تۈركىيە جەمئىيىتىدىكى ھەر ساھەگە يۈزلىنىپ، جۇڭگو كوممۇنىستىك پارتىيەسى 20-قۇرۇلتىيىنىڭ روھىنى مەخسۇس تەشۋىق قىلىش يىغىنى ئۆتكۈزدى، ھەققانىيەت ۋە تەرەققىيات پارتىيەسى قاتارلىق تۈركىيەدىكى ئاساسلىق پارتىيەلەرنىڭ رەھبەرلىرى بىلەن كۆرۈشتى.
تۈركىيە تەرەپ مۇنۇلارنى بىلدۈردى: جۇڭگو كوممۇنىستىك پارتىيەسىنىڭ 20-قۇرۇلتىيىدا جۇڭگونىڭ كەلگۈسى تەرەققىياتى ئۈچۈن ئۇلۇغۋار پىلان تۈزۈلدى. بۇ، جۇڭگو ئۈچۈن مۇھىم ئەھمىيەتكە ئىگە بولۇپلا قالماي، يەنە دۇنياغا يېڭى پۇرسەت كۆزنىكى ئېچىپ بەردى.
كۆرۈپ بېكىتكۈچى: ياسىن قادىر
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ