دۆلەت بايرىمى مەزگىلىدە ھەقسىز!

　　خەلق تورى ئۇيغۇرچە قانىلىنىڭ 9-ئاينىڭ 29-كۈنى بېيجىڭدىن بەرگەن تېلېگراممىسى: بۇ يىل دۆلەت بايرىمىلىق دەم ئېلىش 10-ئاينىڭ 1-كۈنىدىن 10-ئاينىڭ 7-كۈنىگىچە جەمئىي يەتتە كۈن بولىدۇ، 10-ئاينىڭ 8-كۈنى (شەنبە) ۋە 10-ئاينىڭ 9-كۈنى (يەكشەنبە) خىزمەت قىلىنىدۇ.

　　دۆلەت بايرىمىلىق دەم ئېلىش مەزگىلىدە، يەتتە كىشىلىكتىن تۆۋەن بولغان (يەتتە كىشىلىكنىمۇ ئۆز ئىچىگە ئالىدۇ) كىچىك تىپتىكى يولۇچىلار ئاپتوموبىلىدىن يۈرۈش ھەققى ئېلىنمايدۇ، كونكېرت ھەقسىز يۈرۈش ۋاقتى: 10-ئاينىڭ 1-كۈنى سائەت 0دىن 10-ئاينىڭ 7-كۈنى سائەت 24كىچە بولىدۇ.

　　دىققەت قىلىشقا تېگىشلىكى شۇكى، يۇقىرى سۈرئەتلىك تاشيولدا ھەقسىز يۈرۈشتە ماشىنىنىڭ ھەق ئېلىش يولىدىن ئايرىلغان ۋاقتى ئۆلچەم قىلىنىدۇ، يەنى ماشىنا 10-ئاينىڭ 1-كۈنى سائەت نۆلدىن 10-ئاينىڭ 7-كۈنى سائەت 24 ئارىلىقىدا يۇقىرى سۈرئەتلىك تاشيول ئېغىزىدىن ئايرىلغان بولسىلا، ھەقسىز بولۇش سىياسىتىدىن بەھرىمەن بولالايدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى