تاڭشەن شەھەرلىك ج خ ئىدارىسى لۇبېي شۆبە ئىدارىسىنىڭ باشلىقى ما ئەيجۈن قاتارلىق كىشىلەر تەكشۈرۈلدى

　　خەلق تورى ئۇيغۇرچە قانىلىنىڭ 6-ئاينىڭ 22-كۈنى بېيجىڭدىن بەرگەن تېلېگراممىسى: خېبېي ئۆلكىلىك ئىنتىزام تەكشۈرۈش كومىتېتى، مەمۇرىي تەپتىش كومىتېتى تاڭشەن شەھىرىدىكى مەلۇم كاۋاپخانىنىڭ ئۆكتەملىك قىلىپ چاتاق چىقىرىش، باشقىلارنى زورلۇق بىلەن ئۇرۇش دېلوسى ۋە باشقا ئالاقىدار دېلولارغا چېتىشلىق ھۆكۈمەت خادىملىرىنىڭ قانۇن-ئىنتىزامغا ئېغىر خىلاپلىق قىلىش مەسىلىسىگە قارىتا، قانۇن-ئىنتىزام بويىچە تەكشۈرۈشنى قانات يايدۇردى.


　　نۆۋەتتە، خېبېي ئۆلكىلىك ئىنتىزام تەكشۈرۈش كومىتېتى، رېۋىزىيە كومىتېتىنىڭ باشقۇرۇش تەۋەلىكىنى بېكىتىشى بىلەن تاڭشەن شەھىرى لۇبېي رايونلۇق خەلق ھۆكۈمىتى پارتگۇرۇپپىسىنىڭ ئەزاسى، مۇئاۋىن رايون باشلىقى، شەھەرلىك ج خ ئىدارىسى لۇبېي شۆبە ئىدارىسى پارتكومىنىڭ شۇجىسى، ئىدارە باشلىقى ما ئەيجۈن لاڭفاڭ شەھەرلىك ئىنتىزام تەكشۈرۈش كومىتېتى، رېۋىزىيە كومىتېتىنىڭ ئىنتىزام تەكشۈرۈشى ۋە رېۋىزىيە تەكشۈرۈشىنى قوبۇل قىلىۋاتىدۇ. تاڭشەن شەھەرلىك ئىنتىزام تەكشۈرۈش كومىتېتى، رېۋىزىيە كومىتېتىنىڭ باشقۇرۇش تەۋەلىكىنى بېكىتىشى بىلەن، تاڭشەن شەھەرلىك ج خ ئىدارىسى لۇبېي شۆبە ئىدارىسى ئايرودروم يولى ساقچىخانىسىنىڭ باشلىقى خۇ بىن، چاڭخۇڭداۋ ساقچى ئىشلىرى پونكىتىنىڭ مۇئاۋىن باشلىقى خەن جىيۇڭ، ئايرودروم يولى ساقچىخانىسىنىڭ ساقچىسى چېن جىۋېي، گۇاڭمىڭلى ساقچىخانىسىنىڭ سابىق باشلىقى فەن لىفېڭ، ئايرىم-ئايرىم ھالدا تاڭشەن شەھىرى ساۋفېيديەن رايونلۇق ئىنتىزام تەكشۈرۈش كومىتېتى، رېۋىزىيە كومىتېتى، تاڭشەن شەھىرى فېڭنەن رايونلۇق ئىنتىزام تەكشۈرۈش كومىتېتى، رېۋىزىيە كومىتېتىنىڭ ئىنتىزام تەكشۈرۈشى ۋە رېۋىزىيە تەكشۈرۈشىنى قوبۇل قىلماقتا.


　　كۆرۈپ بېكىتكۈچى: تۇرغۇن ئابلىز


　　مەنبە: خەلق تورى