ئىچكى موڭغۇلدا تەخمىنەن 125 مىليون يىل ئىلگىرىكى دىنوزاۋىر تاش قاتمىسى بايقالدى

　　مۇخبىرنىڭ ئىچكى موڭغۇل ئاپتونوم رايونى باياننور تەبىئىي مۇزېيىدىن ئىگىلىشىچە، بۇ مۇزېينىڭ خىزمەتچىلىرى يېقىندا ئۇرات ئارقا خوشۇنى چۇلۇمياۋ رايونىدا تەكشۈرۈش ئېلىپ بېرىۋاتقاندا، بىرقەدەر مۇكەممەل ساقلانغان بىر دىنوزاۋىر تاشقاتمىسىنى بايقىغان، سۆڭەك شەكلى تەتقىقاتىغا ئاساسەن، دەسلەپكى قەدەمدە ئۇچار كەسلەنچۈك تۈرىدىكى دىنوزاۋىرنىڭ تاشقاتمىسى دەپ بېكىتىلگەن. ئۇلات ئارقا خوشۇنى ئىچكى موڭغۇلنىڭ باياننور شەھىرىنىڭ غەربىي شىمالىغا جايلاشقان بولۇپ، «دىنوزاۋىر يۇرتى» دېگەن نامى بار. مۇزېي مەسئۇلىنىڭ تونۇشتۇرۇشىچە، بۇ قېتىم بايقالغان تاشقاتما بۇنىڭدىن تەخمىنەن 125 مىليون يىل ئىلگىرىكى دەسلەپكى بور دەۋرىدە پەيدا بولغان ئۇچار كەسلەنچۈك تۈرىدىكى دىنوزاۋىر تاشقاتمىسىغا تەۋە ئىكەن. بايقالغان سۆڭەك تاشقاتمىسىدىن قارىغاندا، دىنوزاۋىرنىڭ تېنى بىرقەدەر چوڭ بولۇپ، يېتىلگەن دىنوزاۋىرغا يېقىنلىشىدىكەن.


　　كۆرۈپ بېكىتكۈچى: تۇرغۇن ئابلىز


　　مەنبە: خەلق تورى