خەلق تورى ئۇيغۇرچە قانىلىنىڭ 16-سېنتەبىر بېيجىڭدىن بەرگەن تېلېگراممىسى: 15- سېنتەبىر، ئەنگلىيە پارلامېنتى جۇڭگو باش ئەلچىسىنىڭ ئەنگلىيە پارلامېنتىغا بېرىپ پائالىيەتكە قاتنىشىشىنى چەكلەش قارارىغا قارىتا، مەملىكەتلىك خەلق قۇرۇلتىيى تاشقى ئىشلار كومىتېتىنىڭ باياناتچىسى يوۋ ۋېنزى مۇنداق دېدى: بۇ قارار جۇڭگو-ئەنگلىيە ئىككى دۆلەت خەلقىنىڭ تۈپ مەنپەئەتىنى كۆزگە ئىلمىغانلىق ھەمدە خەلقئارا قائىدە-يوسۇنغا خىلاپلىق قىلغانلىق، خاتا ۋەئاقىلانە بولمىغان قىلمىش. بىز بۇنىڭغا قەتئىي قارشى تۇرۇپ، مۇناسىپ تەدبىر قوللىنىپ، زۆرۈر ئىنكاس قايتۇرىمىز.
باياناتچى مۇنداق كۆرسەتتى: ئەنگلىيە پارلامېنتىنىڭ ئاز ساندىكى پارلامېنت ئەزالىرى ھېچقانداق پاكىت ئاساسى بولمىغان ئەھۋالدا، غەرەزلىك ھالدا شىنجاڭغا چېتىلىدىغان يالغان-ياۋىداق سۆزلەر ۋە ساختا ئۇچۇرلارنى تارقاتتى، ئەنگلىيە تەرەپ شىنجاڭغا چېتىشلىق مەسىلىلەردە ئۆز ئالدىغا جۇڭگولۇق خادىملار ۋە ئاپپاراتلارنى جازالىدى، جۇڭگو يولغا قويغان قارشى تۇرۇش تەدبىرى پۈتۈنلەي دۆلەتنىڭ ئىگىلىك ھوقۇقى ۋە ئىززەت-ھۆرمىتىنى قوغداشتىكى ھەققانىي تەدبىر بولۇپ، مۇۋاپىق ۋە قانۇنلۇقتۇر.
باياناتچى يەنە مۇنۇلارنى تەكىتلىدى: جۇڭگو دۆلەتنىڭ ئىگىلىك ھوقۇقى، بىخەتەرلىكى ۋە تەرەققىيات مەنپەئەتەنى قوغداش ئىرادىسىدىن قەتئىي تەۋرەنمەيدۇ. بىز ئەنگىلىيە پارلامېنتىنى خاتالىقنى دەرھال تۈزىتىپ، جۇڭگو-ئەنگىلىيە ئىككى تەرەپ مۇناسىۋىتىنىڭ ساغلام تەرەققىياتى ئۈچۈن پايدىلىق ئەمەلىي ئىشلارنى قىلىشقا دەۋەت قىلىمىز.
كۆرۈپ بېكىتكۈچى: تۇرغۇن ئابلىز
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ