مائارىپ مىنىستىرلىقى ئوقۇتقۇچىلارنىڭ قىشلىق، يازلىق تەتىلى ئەمەلدىن قالدۇرۇلدى، دېگەن ئۇچۇرغا رەددىيە بەردى

　　خەلق تورى ئۇيغۇرچە قانىلىنىڭ 14-ئىيۇل بېيجىڭدىن بەرگەن تېلېگراممىسى: مائارىپ مىنىستىرلىقى 13-ئىيۇل ئاخبارات خەۋەرلەندۈرۈش يىغىنى ئېچىپ، مۇنۇلارنى بىلدۈردى: يازلىق تەتىللىك ۋاكالىتەن باشقۇرۇش مۇلازىمىتىدە مەكتەپ تەشەببۇسكار بولۇش، جەمئىيەت قاتنىشىش، ئوقۇتقۇچى ئۆز ئارزۇسى بويىچە قاتنىشىش، ئوقۇغۇچىلار ئىختىيار قىلىش، ئاممىۋى پاراۋانلىق بويىچە ئومۇميۈزلۈك نەپ يەتكۈزۈش قاتارلىق ئاساسىي تەلەپلەرگە ئەمەل قىلىش كېرەك. ئوقۇتقۇچىلارنىڭ ۋاكالىتەن باشقۇرۇش مۇلازىمىتىگە قاتنىشىش ۋاقتىنى بىر تۇتاش پىلانلاپ، مۇۋاپىق ئورۇنلاشتۇرۇپ، ئوقۇتقۇچىلارنىڭ ھوقۇق-مەنپەئەتىنى قانۇن بويىچە كاپالەتلەندۈرۈش ھەم ئوقۇتقۇچىلارنىڭ يازلىق تەتىلدە زۆرۈر دەم ئېلىش ۋاقتىغا كاپالەتلىك قىلىش، ھەم ئوقۇتقۇچىلارنىڭ يازلىق تەتىلدە ئوقۇتۇش، تەتقىقات، تەربىيەلەشكە قاتنىشىشىغا ۋاقىت قالدۇرۇش كېرەك.

　　«ئوقۇتقۇچىلارنىڭ قىشلىق، يازلىق تەتىلى ئەمەلدىن قالدۇرۇلىدۇ» دېگەن قاراشنىڭ ئاساسى يوق.»

　　تەكشۈرۈپ بېكىتكۈچى: ياسىن قادىر

　　مەنبە: خەلق تورى