جۇڭگو-ئەرەب بىرلەشمە خەلىپىلىكى بىردەكلىك ھاسىل قىلدى

　　خەلق تورى ئۇيغۇرچە قانىلىنىڭ 30-مارت بېيجىڭدىن بەرگەن تېلېگراممىسى:

　　ۋاڭ يى مۇنۇلارنى بىلدۈردى: جۇڭگو-ئەرەب بىرلەشمە خەلىپىلىكى خەلقى ياخشى دوست، ياخشى قېرىنداش، ياخشى ھەمراھلاردىن، ئىككى دۆلەت مۇناسىۋىتى ئۆزئارا يۈكسەك ئىشىنىش ۋە چوڭقۇر ئەنئەنىۋى دوستلۇق ئۈستىگە قۇرۇلغان. ئىككى دۆلەتنىڭ ئالىي رەھبەرلىرى ئارىسىدىكى مۇستەھكەم دوستلۇق ۋە ئۆزئارا ئىشىنىش ئىككى دۆلەت مۇناسىۋىتىنىڭ ئۈزلۈكسىز تەرەققىياتىنى كۈچلۈك كاپالەتكە ئىگە قىلدۇردى. جۇڭگو بىلەن ئەرەب بىرلەشمە خەلىپىلىكىنىڭ دۆلەت خەۋپسىزلىكى ۋە مۇقىملىقىنى قوغداپ، دۆلەت ئەھۋالىغا ئۇيغۇن كېلىدىغان تەرەققىيات يولى ئۈستىدە ئۆز ئالدىغا ئىزدىنىشىنى قوللايدۇ؛ ئەرەب بىرلەشمە خەلىپىلىكىنىڭ دىنىي ئەسەبىي كۈچلەرگە زەربە بېرىپ، خەلقئارا ۋە رايون ئىشلىرىدا ئاكتىپ رولىنى جارى قىلدۇرۇشىنى قوللايدۇ. جۇڭگو ئەرەب بىرلەشمە خەلىپىلىكىنىڭ جۇڭگونىڭ يادرولۇق مەنپەئىتىگە چېتىلىدىغان مەسىلىلەر ئۈستىدە كۈچلۈك قوللىغانلىقىغا ئاپىرىن ئوقۇيدۇ. جۇڭگو-ئەرەب بىرلەشمە خەلىپىلىكى ۋە باشقا يېڭىدىن گۈللىنىۋاتقان ئىقتىسادىي گەۋدىلەرنىڭ تەرەققىياتى بولسا تىنچلىق كۈچلىرىنىڭ ئېشىشى ۋە مەدەنىيەتنىڭ كۆپ خىللىقىنىڭ ئىپادىسى بولۇپ، بۇ، دۇنيانى تېخىمۇ تەڭپۇڭ، تېخىمۇ ئىناق، تېخىمۇ رەڭدار قىلىدۇ.

　　ۋاڭ يى مۇنۇلارنى تەكىتلىدى: جۇڭگو-ئەرەب بىرلەشمە خەلىپىلىكى ھەمكارلىشىپ دۇنيا بويىچە يېڭى تىپتىكى تاجسىمان ۋىرۇسنىڭ ئاكتىپسىزلاندۇرۇلغان تۇنجى ۋاكسىنىنىڭ 3- قارارلىق خەلقئارا كىلىنىكىلىق سىنىقىنى قانات يايدۇرۇپ، كۆپ دۆلەت تەۋەلىكى، كەڭ كۆلەملىك كىلىنىكىلىق تەجرىبە رېكورتىنى يارىتىپ، خەلقئارا بويىچە يۇقۇمغا تاقابىل تۇرۇش ھەمكارلىقىنى ئىلگىرى سۈرۈشكە مۇھىم تۆھپە قوشتى.

　　ۋاڭ يى مۇنداق دېدى: جۇڭگو تەرەپ ئەرەب بىرلەشمە خەلىپىلىكى بىلەن ب د ت قاتارلىق كۆپ تەرەپلىك ئاپپاراتلاردىكى ئالاقە ۋە ماسلىشىشنى كۈچەيتىپ، ھەقىقىي كۆپ تەرەپلىمىلىكنى ئورتاق قوغداپ، خەلقئارا مۇناسىۋەتنىڭ دېموكراتىيەلىشىشىنى ئىلگىرى سۈرۈپ، مەدەنىيلىكنىڭ كۆپ خىللىشىشىنى قوللاپ، ب د ت نىڭ يادرولۇق رولىنى جارى قىلدۇرۇپ، خەلقئارا قانۇن ۋە خەلقئارا شەرتنامىنىڭ نوپۇزىنى قوغداشنى خالايدۇ.

　　ئابدۇللا مۇنۇلارنى بىلدۈردى: جۇڭگونىڭ تەرەققىياتىدا شانلىق نەتىجىلەر قولغا كەلتۈرۈلدى، ھەم يۇقۇم ئۈستىدىن ئالدىن مۇۋەپپەقىيەتلىك غەلىبە قىلىندى، جۇڭگو خەلقى بۇنىڭدىن پەخىرلىنىشكە ئەرزىيدۇ. ئەرەب بىرلەشمە خەلىپىلىكىمۇ جۇڭگوغا ئوخشاش بۇنداق ئىستراتېگىيەلىك ھەمكارلىق ھەمراھى بولغانلىقىدىن پەخىرلىنىدۇ. ئەرەب بىرلەشمە خەلىپىلىكى بىر جۇڭگو پىرىنسىپىنى، جۇڭگونىڭ تەرەققىي قىلىپ گۈللىنىشىنى ئىشقا ئاشۇرۇشىنى، جۇڭگونىڭ دۇنيا مەدەنىيلىكىنىڭ كۆپ خىللىقىنى قوغدىشىنى، جۇڭگونىڭ دۇنيانىڭ ئورتاق تەرەققىياتىغا تۈرتكە بولۇش ئۈچۈن يېتەكچىلىك رولىنى جارى قىلدۇرۇشىنى قوللايدۇ. ئەرەب بىرلەشمە خەلىپىلىكى ئىككى تەرەپنىڭ سەھىيە، يېزا ئىگىلىكى، پەن-تېخنىكا، كىلىمات ئۆزگىرىشىگە تاقابىل تۇرۇش، قۇملىشىشنىڭ ئالدىنى ئېلىش قاتارلىق ساھەلەردىكى ھەمكارلىقىنى چوڭقۇرلاشتۇرۇپ، ئۆزئارا مەنپەئەت يەتكۈزۈپ ئورتاق پايدا ئېلىشنى ئىشقا ئاشۇرۇشنى ئۈمىد قىلىدۇ. ئەرەب بىرلەشمە خەلىپىلىكى جۇڭگو تەرەپ بىلەن بىرلىكتە تېررورىزمغا زەربە بېرىشنى، بولۇپمۇ ئەسەبىيلىكنى تۈگىتىش تىرىشچانلىقىنى كۈچەيتىپ، قول تۇتۇشۇپ ئوتتۇرا شەرق رايونىنىڭ تىنچلىقى ۋە مۇقىملىقىنى قوغداشنى، ئىككى تەرەپنىڭ يەنىمۇ ئىلگىرىلىگەن ھالدا بىرلەشكەن دۆلەتلەر تەشكىلاتى ئىشلىرىدىكى ماسلىشىشنى قانات يايدۇرۇشىنى ئۈمىد قىلىدۇ. ئەرەب بىرلەشمە خەلىپىلىكى جۇڭگونىڭ دۇبەي دۇنيا كۆرگەزمىسىگە پائال قاتناشقانلىقىنى ئالقىشلىدى، جۇڭگونىڭ بېيجىڭ قىشلىق ئولىمپىك تەنھەرىكەت مۇسابىقىسى ئۆتكۈزۈشىنى قوللايدۇ.

　　ئىككى تەرەپ يەنە ئورتاق كۆڭۈل بۆلىدىغان خەلقئارا ۋە رايون مەسىلىلىرى توغرىسىدا چوڭقۇر پىكىر ئالماشتۇردى.

　　ئىككى تەرەپ ساغلاملىق كودىنى ئۆزئارا ئېتىراپ قىلىش پرىنسىپىنىڭ بىردەكلىكىنى جاكارلىدى. سۆھبەتتىن كېيىن، ئىككى تەرەپ ئىككى دۆلەتنىڭ ۋاكسىنا سۇيۇقلۇقى قاچىلاش ئىشلەپچىقىرىش لىنىيەسى تۈرىنى «بۇلۇتتا يولغا قويۇش» مۇراسىمىغا قاتناشتى.

　　كۆرۈپ بېكىتكۈچى: موللانىياز تۇنىياز

　　مەنبە: خەلق تورى