13-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 48-قېتىملىق كومىتېت باشلىقلىرى يىغىنى ئېچىلدى

　　13-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 48-قېتىملىق كومىتېت باشلىقلىرى يىغىنى 2-ئاينىڭ 24-كۈنى چۈشتىن كېيىن بېيجىڭدا ئېچىلدى، كومىتېت باشلىقى لى جەنشۇ يىغىنغا رىياسەتچىلىك قىلدى.

　　مەملىكەتلىك خەلق قۇرۇلتىيى دائىمىي كومىتېتى ئاساسىي قانۇن، قانۇن كومىتېتىنىڭ مۇدىرى لى فېي قانۇنغا خىلاپ ياۋايى ھايۋانلار سودىسىنى ئومۇميۈزلۈك چەكلەش، ياۋايى ھايۋانلارنى قالايمىقان يېيىشتەك ناچار ئادەتنى تۈگىتىش، خەلق ئاممىسىنىڭ ھاياتى ساغلاملىق بىخەتەرلىكىگە ھەقىقىي كاپالەتلىك قىلىش توغرىسىدىكى قارار لايىھەسىگە قاراپ چىقىش نەتىجىسى ھەققىدە دوكلات بەردى. دائىمىي كومىتېت قانۇن خىزمىتى كومىتېتىنىڭ مۇدىرى شېن چۈنياۋ 13-نۆۋەتلىك مەملىكەتلىك خەلق قۇرۇلتىيىنىڭ 3-يىغىنىنى كېچىكتۈرۈپ ئېچىش توغرىسىدىكى قارار لايىھەسىگە قاراپ چىقىش ئەھۋالى ھەققىدە دوكلات بەردى. مەملىكەتلىك خەلق قۇرۇلتىيى دائىمىي كومىتېتىنىڭ باش كاتىپى ياڭ جېنۋۇ ئالاقىدار ۋەزىپىگە تەيىنلەش، ۋەزىپىدىن قالدۇرۇش لايىھەسىگە قاراپ چىقىش ھەققىدە دوكلات بەردى. يىغىندا يۇقىرىقى لايىھە قاتارلىقلارنى دائىمىي كومىتېت يىغىنىنىڭ قاراپ چىقىشىغا سۇنۇش قارار قىلىندى.