شەندۇڭ ئۆلكىسىدە ئىشلىتىلىۋاتقان 148 جۈپ يۇقىرى سۈرئەتلىك تاشيول مۇلازىمەت رايونى پۈتۈنلەي ئەسلىگە كەلدى

　　خەلق تورى ئۇيغۇرچە قانىلىنىڭ 24- فېۋرال بېيجىڭدىن بەرگەن تېلېگراممىسى: دۆلەت ۋە ئۆلكىلەرنىڭ قاتناش-تىرانسپورت تەرتىپىنى ئەسلىگە كەلتۈرۈش، يول قاتنىشىنىڭ راۋانلىقىغا كاپالەتلىك قىلىش توغرىسىدىكى ئورۇنلاشتۇرۇش تەلىپىگە ئاساسەن، 2- ئاينىڭ 23- كۈنى سائەت 17 گىچە، شەندۇڭ ئۆلكىسى ئىشلىتىۋاتقان 148 جۈپ يۇقىرى سۈرئەتلىك تاشيول مۇلازىمەت رايونلىرىنىڭ ھەممىسى نورمال تىجارەتنى ئەسلىگە كەلتۈردى .

　　ئىگىلىنىشچە، يۇقۇمنىڭ سىرتتىن كىرىشىنىڭ قەتئىي ئالدىنى ئېلىش ئۈچۈن، شەندۇڭ ئۆلكىلىك قاتناش-تىرانسپورت نازارىتى ھەر قايسى يۇقىرى سۈرئەتلىك تاشيوللار تىجارەت ئورنلىرىنىڭ يۇقۇمنىڭ ئالدىنى ئېلىش ۋە ئۇنى تىزگىنلەش، ھەمدە تىجارەت مۇلازىمىتىنى ئىككى قولدا تۇتۇشتا چىڭ تۇرۇپ، خىزمەت تەپسىلىي قائىدىسىنى تۈزۈپ، ئىش ئورنى مەسئۇلىيىتىنى ئەمەلىيلەشتۈرۈپ، مۇلازىمەت رايونىدىكى ئاممىۋى سورۇنلاردا دېزىنفېكسىيە قىلىش، ۋىرۇس ئۆلتۈرۈش، ھاۋا ئالماشتۇرۇش ۋە پاكىزلىقنى ساقلاشنى كۈچەيتتى، ھەمدە مۇلازىمەت رايونىغا كىرگەن بارلىق خادىملاردىن چوقۇم ماسكا تاقاش، تاماق يەيدىغانلارنىڭ زىچلىقىنى قاتتىق كونترول قىلىشنى تەلەپ قىلدى، ھەمدە شوپۇرلاردىنمۇ بىخەتەر ۋە خاتىرجەم مۇلازىمەت قىلىش كېرەكلىكىنى تەلەپ قىلدى.

　　كۆرۈپ بېكىتكۈچى: موللانىياز تۇنىياز

　　مەنبە: خەلق تورى