خەلق تورى ئۇيغۇرچە قانىلىنىڭ 10- يانۋار بېيجىڭدىن بەرگەن تېلېگراممىسى: 9-يانۋار، دۆلەت ئىستاتىستىكا ئىدارىسىنىڭ ئېلان قىلىشىچە، 2019- يىلى مەملىكەت بويىچە ئاھالە ئىستېمال باھاسى (CPI) ئالدىنقى يىلدىكىدىن %2.9 ئۆرلەپ، CPI نىڭ ئۆسۈش نىسبىتى %3 ئەتراپىدا بولۇشتەك يىللىق كۆزلىمە تەڭشەش-تىزگىنلەش نىشانى ئىشقا ئاشۇرۇلغان.
بۇلتۇر 12-ئايدا، CPI بۇلتۇرقى ئوخشاش مەزگىلدىكىدىن %4.5 ئېشىپ، ئېشىش نىسبىتى ئالدىنقى ئايدىكى بىلەن ئوخشاش بولغان. بۇنىڭ ئىچىدە يېمەكلىك باھاسى %17.4 ئۆسۈپ، ئۆسۈش نىسبىتى 1.7 پىرسەنت پوئېنت تۆۋەنلەپ، CPI نىڭ ئۆسۈشىگە تەخمىنەن 3.43 پىرسەنت پوئېنت تەسىر كۆرسەتكەن.
جۇڭگو ماكرو ئىگىلىك تەتقىقات يۇرتى بازار ۋە باھا تەتقىقات ئورنىنىڭ تەتقىقاتچىسى گو لىيەن: «12-ئايدىن قارىغاندا، CPI نىڭ ئۆسۈشى يەنىلا يېمەكلىك تۈرتكە بولىدىغان قۇرۇلمىلىق ئۆرلەش ئالاھىدىلىكىنى نامايان قىلدى»، دېدى.
دۆلەت ئىستاتىستىكا ئىدارىسى شەھەر مەھكىمىسىنىڭ ئالىي ئىستاتىستىكىچىسى شېن يۈن تەھلىل قىلىپ مۇنداق دېدى: بۇلتۇر 12-ئايدا ئوخشىمىغان يېمەكلىكلەرنىڭ باھاسىدا بەزىلىرى ئۆرلەپ، بەزىلىرىدە تۆۋەنلەش كۆرۈلدى. ھۆل مېۋىنىڭ باھاسى %8 تۆۋەنلىدى، تۆۋەنلەش نىسبىتى 1.2 پىرسەنت پوئېنت كېڭەيدى. چوشقا گۆشى باھاسى %97.0 ئۆرلەپ، ئۆسۈش نىسبىتى 13.2 پىرسەنت پوئېنت بولىدى. كالا گۆشى، قوي گۆشى، توخۇ گۆشى، ئۆردەك گۆشى ۋە تۇخۇم باھاسىنىڭ ئۆسۈش نىسبىتى %7.3تىن %20.4 ئارىلىقىدا بولۇپ، ئوخشاش بولمىغان دەرىجىدە تۆۋەنلىدى. يېڭى كۆكتات باھاسى %10.8 ئۆرلەپ، ئۆسۈش نىسبىتى كېڭەيدى.
بىراق 12-ئايدا CPI نىڭ ئالدىنقى ئايدىكىدىن ئېشىش نىسبىتى ئالدىنقى ئايدىكى %0.4 بىلەن تەڭلىشىپ، ئاكتىپ سىگنال تارقاتتى.
كۆرۈپ بېكىتكۈچى: ياسىن قادىر
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
پەخىرلىك رېژىسسور شىرزات ياقۇپنى زىيارەت 
«ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت
2019-يىللىق نۇسخىدىكى 5-يۈرۈش خەلق پۇلى تارقىتىلىدۇ 