مۇھىم خەۋەرلەر

ئۆز خەۋىرىمىز

سۈرەتلىك خەۋەرلەر

 پەخىرلىك رېژىسسور شىرزات ياقۇپنى زىيارەت پەخىرلىك رېژىسسور شىرزات ياقۇپنى زىيارەت

 «ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت

 «ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت

  2019-يىللىق نۇسخىدىكى 5-يۈرۈش خەلق پۇلى تارقىتىلىدۇ 2019-يىللىق نۇسخىدىكى 5-يۈرۈش خەلق پۇلى تارقىتىلىدۇ

◀ ئاساسىي قاتلام ئوقۇتقۇچىلىرىنىڭ ۋاقتى نەگە كەتتى؟

«ئىككى بومبا، بىر سۈنئىي ھەمراھ» قۇرۇلۇشىنىڭ تۆھپىسى

2019.09.29 14:40 مەنبە: شىنجاڭ گېزىتى

  1964- يىلى 10- ئاينىڭ 16- كۈنى دەل سائەت 15تە، دۆلىتىمىزنىڭ غەربىي شىمالدىكى يادرو قورال تەتقىق قىلىپ ياساش بازىسى ئاسمىنىدا بىر كۈچلۈك نۇر چاقناپ ئۆتۈپ، يەر - جاھاننى زىلزىلىگە سالىدىغان غايەت زور ئاۋازدىن كېيىن، غايەت زور ئوت شارى موگۇسىمان بۇلۇتقا ئايلىنىپ ئاسمانغا كۆتۈرۈلدى. جۇڭگو تۇنجى ئاتوم بومبىسىنىڭ پارتلىتىلىشى مۇۋەپپەقىيەتلىك بولدى!

  شۇ كۈنى كەچتە، جۇڭگو ھۆكۈمىتى بايانات ئېلان قىلىپ مۇنداق كۆرسەتتى: جۇڭگو ھۆكۈمىتى ئىزچىل يادرو قوراللىرىنى ئومۇميۈزلۈك چەكلەش ۋە ئۈزۈل - كېسىل يوقىتىشنى تەشەببۇس قىلىدۇ. جۇڭگونىڭ يادرو قورالىنى تەرەققىي قىلدۇرۇشى مۇداپىئە كۆرۈش ئۈچۈن. جۇڭگو ھەرقانداق ۋاقىتتا، ھەرقانداق ئەھۋالدا، ئالدى بىلەن يادرو قورالى ئىشلەتمەيدۇ.

  «شەرقتىكى غايەت زور ئاۋاز» دۇنيانى زىلزىلىگە سالدى. بۇ، جۇڭگو كوممۇنىستىك پارتىيەسى ۋە جۇڭگو ھۆكۈمىتىنىڭ پەن - تېخنىكىغا ئەھمىيەت بەرگەنلىكىنىڭ، كەسكىن تەدبىر بەلگىلىگەنلىكىنىڭ نەتىجىسى، شۇنداقلا كەڭ پەن - تېخنىكا خىزمەتچىلىرىنىڭ ئەقىل - پاراسىتى ۋە جاپالىق ئەمگىكى جەۋھىرىنىڭ مۇجەسسەملىنىشى. 20- ئەسىرنىڭ 50- يىللىرىنىڭ ئوتتۇرىلىرىدا، جۇڭگو كوممۇنىستىك پارتىيەسى مەركىزىي كومىتېتى ئېگىزدە تۇرۇپ يىراققا نەزەر سېلىپ، ئەھۋالنى كۆزىتىپ، ۋەزىيەتنى مۆلچەرلەپ، كەسكىن ھالدا «ئىككى بومبا، بىر سۈنئىي ھەمراھ»نى يادرو قىلغان دۆلەت مۇداپىئەسى ئاچقۇچلۇق پەن - تېخنىكىسىنى تەرەققىي قىلدۇرۇشنى قارار قىلدى.

  1962- يىلى 11- ئايدا، مەركەزدە جوۋ ئېنلەي مۇدىرلىقىدىكى مەخسۇس كومىتېت قۇرۇلدى. كۈچلۈك رەھبەرلىك ئارقىسىدا، پۈتۈن مەملىكەت «بىر تاختا شاھمات» بولۇپ، ھەمكارلىشىپ ئۆتكەلگە ھۇجۇم قىلىپ، «ئىككى بومبا، بىر سۈنئىي ھەمراھ»نى تەتقىق قىلىپ ياساش مۇساپىسىنى زور دەرىجىدە تېزلەتتى. ئاتوم بومبىسىنى تەتقىق قىلىپ ياساشتا باشلامچى بولۇپ 1964- يىلى بۆسۈشنى ئىشقا ئاشۇردى. 1966- يىلى 10- ئاينىڭ 27- كۈنى دۆلىتىمىزدىكى تۇنجى يادرو ئوقبېشى ئورنىتىلغان يەردىن يەرگە قويۇپ بېرىلىدىغان باشقۇرۇلىدىغان بومبىنىڭ ئۇچۇپ پارتلىشى مۇۋەپپەقىيەتلىك بولدى. 1967- يىلى 6- ئاينىڭ 17- كۈنى دۆلىتىمىز تۇنجى ۋودورود بومبىسىنى ھاۋادا پارتلىتىش سىنىقىدا مۇۋەپپەقىيەتلىك پارتلىتىپ، دۇنيا بويىچە ۋودورود بومبىسى تېخنىكىسىنى ئىگىلىگەن 4- دۆلەتكە ئايلاندى. 1970- يىلى 4- ئاينىڭ 24- كۈنى، دۆلىتىمىز «چاڭجېڭ 1- نومۇر» توشۇغۇچى راكېتاسى ئارقىلىق «دۇڭفاڭخۇڭ 1- نومۇر» تۇنجى سۈنئىي ھەمراھىنى مۇۋەپپەقىيەتلىك قويۇپ بەردى.

  «ئىككى بومبا، بىر سۈنئىي ھەمراھ» جۇڭگونىڭ خەۋپسىزلىكى ۋە تەرەققىياتىدا مۇھىم، زور ئىستراتېگىيەلىك ئەھمىيەتكە ئىگە. خۇددى دېڭ شياۋپىڭ كۆرسەتكەندەك: «ئەگەر 60- يىللاردىن بۇيان جۇڭگودا ئاتوم بومبىسى، ۋودورود بومبىسى بولمىغان بولسا، سۈنئىي ھەمراھ قويۇپ بېرىلمىگەن بولسا، جۇڭگونى مۇھىم تەسىرگە ئىگە چوڭ دۆلەت دېگىلى بولمايتتى، ھازىرقىدەك خەلقئارا ئورنىمۇ بولمىغان بولاتتى. بۇ نەرسىلەر بىر مىللەتنىڭ ئىقتىدارىنى ئەكس ئەتتۈرىدۇ، شۇنداقلا بىر مىللەت، بىر دۆلەتنىڭ گۈللىنىپ روناق تاپقانلىقىنىڭ بەلگىسى».
مەسئۇل مۇھەررىر : مەلىكەم مەمەت
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ