70 يىلدا كىشى بېشىغا توغرا كېلىدىغان تۇرمۇش توك سەرپىياتى تەخمىنەن 700 ھەسسە ئاشتى

　　خەلق تورى ئۇيغۇرچە قانىلىنىڭ 11-سېنتەبىر بېيجىڭدىن بەرگەن تېلېگراممىسى. يېڭى جۇڭگو قۇرۇلغانلىقىنىڭ 70 يىللىقىدا، جۇڭگولۇقلارنىڭ كىشى بېشىغا توغرا كېلىدىغان تۇرمۇش توك سەرپىياتى 70 يىل بۇرۇنقىدىن تەخمىنەن 700 ھەسسىگە يېقىن ئاشتى، يېڭى جۇڭگو قۇرۇلغان دەسلەپكى مەزگىلدە، كىشى بېشىغا توغرا كېلىدىغان يىللىق تۇرمۇش توك سەرپىياتى بىر كىلوۋات سائەتكە يەتمەيتتى. ئۇ چاغدا چەكلىك ئېنېرگىيە ئاساسەن سانائەت ساھەسىگە ئىشلىتىلگەچكە، ئاھالىلەرنىڭ تۇرمۇش ئېنېرگىيەسىگە كاپالەتلىك قىلىش ناھايىتى تەس ئىدى، يېزىلاردا ئاساسەن توك يوق ئىدى، چوڭ شەھەرلەردە توك بىلەن تەمىنلەش بولسىمۇ، لېكىن يورۇتۇش ۋاقتى دائىم چەكلىمىگە ئۇچرايتتى.

　　ئىسلاھات ئېلىپ بېرىلغان، ئىشىك ئېچىۋېتىلگەندىن بۇيان، بولۇپمۇ 21-ئەسىردىن بۇيان، ئېلىمىزنىڭ ئېنېرگىيە بىلەن تەمىنلەشكە كاپالەتلىك قىلىش ئىقتىدارى ئۈزلۈكسىز ئۆستى، ئاھالىلەرنىڭ ئېنېرگىيە ئىشلىتىش شارائىتى كۆرۈنەرلىك ياخشىلاندى. نۆۋەتتە، كىشى بېشىغا توغرا كېلىدىغان يىللىق تۇرمۇش توك سەرپىياتى تەخمىنەن 695 كىلوۋات سائەت بولۇپ، توك ئىشلىتەلمەيدىغانلارنىڭ توك ئىشلىتىش مەسىلىسى پۈتۈنلەي ھەل بولدى .

　　مەنبە: خەلق تورى