خەلق تورى ئۇيغۇرچە قانىلىنىڭ 9- سېنتەبر بېيجىڭدىن بەرگەن تېلېگراممىسى: 11- نۆۋەتلىك مەملىكەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي كومىتېتىنىڭ ئومۇمىي يىغىنى ۋە ۋەكىللەر ئۆمىكىنىڭ باشلىقلار يىغىنى 8- چېسلا خېنەن ئۆلكىسىنىڭ جېڭجوۋ شەھىرىدە ئېچىلدى.
مەملىكەتلىك سىياسىي كېڭەشنىڭ مۇئاۋىن رەئىسى، مەركىزىي كومىتېت بىرلىك سەپ بۆلۈمىنىڭ مۇئاۋىن باشلىقى، دۆلەت مىللەتلەر ئىشلىرى كومىتېتىنىڭ مۇدىرى، 11- نۆۋەتلىك مەملىكەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى تەشكىلىي كومىتېتىنىڭ رەئىسى باتۇر مۇنۇلارنى بىلدۈردى: مەملىكەتلىك ئاز سانلىق مىللەتلەر ئەنئەنىۋى تەنھەرىكەت مۇسابىقىسى بولسا، ئېلىمىزنىڭ قانۇندا بەلگىلەنگەن بىر تەنتەربىيە تۈرى، ھەر مىللەت خەلقى ئورتاق بەھرىمەن بولىدىغان كاتتا بايرام. تەنھەرىكەت مۇسابىقىسىنىڭ تۈرلۈك خىزمەتلىرىنى باشتىن-ئاخىر «جۇڭخۇا مىللەتلىرى ئورتاق گەۋدىسى ئېڭىنى مۇستەھكەملەش»تىن ئىبارەت بۇ ئاساسىي لىنيەگە سىڭدۈرۈپ، تەنھەرىكەت مۇسابىقىسىنى ئاز سانلىق مىللەتلەر ئەنئەنىۋى تەنھەرىكىتىنى ئەۋج ئالدۇرىدىغان، جۇڭخۇا مىللەتلىرىنىڭ بۈيۈك ئىتتىپاقلىقىنى ئىلگىرى سۈرىدىغان كاتتا يىغىن قىلىپ ئۆتكۈزۈپ، «جۇڭخۇا مىللەتلىرى بىر ئائىلە كىشىلىرى، جۇڭگو ئارزۇسىنى ئورتاق ئىشقا ئاشۇرۇش»تەك قويۇق كەيپىيات يارىتىپ، يېڭى جۇڭگو قۇرۇلغانلىقىنىڭ 70 يىللىقىغا سوۋغا تەقدىم قىلىش كېرەك.
كۆرۈپ بېكىتكۈچى: موللانىياز تۇنىياز
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
پەخىرلىك رېژىسسور شىرزات ياقۇپنى زىيارەت 
«ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت
2019-يىللىق نۇسخىدىكى 5-يۈرۈش خەلق پۇلى تارقىتىلىدۇ 