جۇڭگو-ئامېرىكا ئىقتىساد-سودا يۇقىرى دەرىجىلىكلەر كېڭىشىدە ئىككى تەرەپنىڭ باشلامچىلىرى سۆزلەشتى

　　خەلق تورى ئۇيغۇرچە قانىلىنىڭ 6-سېنتەبىر بېيجىڭدىن بەرگەن تېلېگراممىسى: ج ك پ مەركىزىي كومىتېتى سىياسىي بىيۇروسىنىڭ ئەزاسى، گوۋۇيۈەننىڭ مۇئاۋىن زۇڭلىسى، جۇڭگو-ئامېرىكا ئومۇميۈزلۈك ئىقتىساد-سودا سۆھبىتىدىكى جۇڭگو تەرەپ باشلامچىسى ليۇ خې تەكلىپكە بىنائەن ئامېرىكا سودا ۋەكىلى لايتشىزېر، مالىيە مىنىستىرى منۇچىن بىلەن تېلېفونلاشتى. ئىككى تەرەپ 10-ئاينىڭ بېشىدا ۋاشىنگتوندا 13-نۆۋەتلىك جۇڭگو-ئامېرىكا ئىقتىساد-سودا يۇقىرى دەرىجىلىكلەر كېڭىشى ئۆتكۈزۈشكە قوشۇلدى، بۇنىڭدىن ئىلگىرى ئىككى تەرەپ قويۇق ئالاقىنى ساقلىغان ئىدى. خىزمەت قاتلىمىدىن 9- ئاينىڭ ئوتتۇرىلىرىدا ئەستايىدىل كېڭىشىشنى قانات يايدۇرۇپ، يۇقىرى دەرىجىلىكلەر كېڭىشىشتە ماھىيەتلىك ئىلگىرىلەش ھاسىل قىلىشقا تولۇق تەييارلىق قىلىدۇ. ئىككى تەرەپ بىردەك ئورتاق تىرىشىپ، ئەمەلىي ھەرىكەت قوللىنىپ، كېڭىشىش ئۈچۈن ياخشى شارائىت يارىتىش كېرەك دەپ قارىدى. سودا مىنىستىرلىقىنىڭ مىنىستىرى جۇڭ شەن، جۇڭگو خەلق بانكىسىنىڭ باشلىقى يى گاڭ، دۆلەت تەرەققىيات ۋە ئىسلاھات كومىتېتىنىڭ مۇئاۋىن مۇدىرى نىڭ جىجې قاتارلىقلار سۆزلىشىشكە قاتناشتى.

　　مەنبە: خەلق تورى