جۇڭگو ئاپتوموبىل سانائىتى جەمئىيىتى 6-ئاينىڭ 12-ئېلان قىلغان سانلىق مەلۇماتقا قارىغاندا، 5-ئايدا، ئېلىمىز يېڭى ئېنېرگىيەلىك ئاپتوموبىلدىن 112 مىڭ 100نى ئىشلەپچىقارغان، 104 مىڭ 400نى ساتقان، بۇ ئوخشاش مەزگىلدىكىدىن %16.91 ۋە %1.8 ئاشقان. يېڭى ئېنېرگىيەلىك ئاپتوموبىل ئىشلەپچىقىرىش ۋە سېتىش مۇقىم ئاشقان.
جۇڭگو ئاپتوموبىل سانائىتى جەمئىيىتى كەسىپ ئۇچۇرى بۆلۈمى مۇدىرىنىڭ ياردەمچىسى لى خۇڭ مۇنداق دېدى: كېلەركى يېرىم يىلدا، دۆلەتنىڭ ئالتىنچى ئۆلچىمىگە ماس كېلىدىغان ئاپتوموبىللارنىڭ كۆپىيىشى، باج كېمەيتىپ ھەق تۆۋەنلىتىش قاتارلىق بىر قاتار سىياسەت تەدبىلىرىنىڭ ئۈنۈم بېرىشى، 6-ئاينىڭ بېشىدا ئۈچ تارماق بىرلىشىپ ئېلان قىلغان «2019-يىلىدىن 2020-يىلىغىچە بولغان نۇقتىلىق ئىستېمال بويۇملىرىنى يېڭىلاش ۋە دەرىجىسىنى ئاشۇرۇشقا تۈرتكە بولۇپ، بايلىقتىن تەكرار پايىلىنىش يولىنى راۋانلاشتۇرۇشنى يولغا قويۇش لايىھەسى»نىڭ كۈچ بېرىشى ئاپتوموبىل بازىرىغا ئىجابىي تەسىر كۆرسىتىدۇ، يېڭى ئېنېرگىيەلىك ئاپتوموبىل ئىشلەپچىقىرىش-سېتىش مىقدارى داۋاملىق سەل تېز ئېشىشى مۇمكىن.
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ