خەلق تورى ئۇيغۇرچە قانىلىنىڭ 30-ئاپرېل بېيجىڭدىن بەرگەن تېلېگراممىسى: 4-ئاينىڭ 29-كۈنى، ئىتتىپاق مەركىزىي كومىتېتى ئورگىنىنىڭ كونا ئورنى خاتىرە سارىيىدا يېڭىدىن كۆپەيگەن كۆپ ۋاسىتىلىك ئۆزئارا تەسىر كۆرسىتىدىغان كۆرگەزمە رايونىدا، ئېكسكۇرسىيىچىلەر ئۆزىنىڭ يۈياڭلىنى ئارقا كۆرۈنۈش قىلغان «4-ماي ياشلىرى» ئوبرازىنى نامايان قىلدى.
شۇ كۈنى شاڭخەيگە جايلاشقان مەملىكەت بويىچە نۇقتىلىق قوغدىلىدىغان مەدەنىيەت يادىكارلىق ئورنى − جۇڭگو سوتسىيالىستىك ياشلار ئىتتىپاقى مەركىزىي ئورگىنىنىڭ كونا ئورنى رېمونت قىلىنىپ، قايتىدىن سىرتقا ئېچىۋېتىلدى. 2018-يىلى 8-ئايدا، جۇڭگو سوتسىيالىستىك ياشلار ئىتتىپاقى مەركىزىي ئورگىنىنىڭ كونا ئورنى خاتىرە سارىيى ئومۇميۈزلۈك ئۆزگەرتىلدى، 2019-يىلى 4-ماي ياشلار بايرىمى ھارپىسىدا، كونا ئورنى رېمونت قىلىنىپ بولدى، خاتىرە سارىيىنىڭ كۆرگەزمە مەزمۇنى يېڭىلاندى. خاتىرە سارىيى ئىچىدە ئىلغار ياشلار تەرجىمە قىلىپ نەشر قىلغان «يېڭى ياشلار» ژۇرنىلى، ئىنقىلابچىلار ئىلگىرى ئىشلەتكەن كىيىم-كېچەك قاتارلىق كۆرگەزمە بۇيۇملىرى يېڭىدىن كۆپەيدى ھەمدە مول كۆپ ۋاسىتىلىك شەكىللەر ئارقىلىق «4-ماي» ھەرىكىتىدىن جۇڭگو كوممۇنىستىك پارتىيەسىنىڭ ۋۇجۇدقا چىقىشىغىچە بولغان ئۇلۇغۋار تارىخ نامايان قىلىندى.
كۆرۈپ بېكىتكۈچى: ياسىن قادىر
مەنبە: خەلق تورى