خەلق تورى ئۇيغۇرچە قانىلىنىڭ 28- فېۋرال بېيجىڭدىن بەرگەن تېلېگراممىسى: 2019-يىللىق مەملىكەتلىك ئىككى يىغىن ئېچىلىش ئالدىدا، بېيجىڭ غەربىي چاڭئەن كوچىسىنىڭ شىمالىدىكى مېيدىيا مەركىزىگە تەسىس قىلىنغان ئىككى يىغىن ئاخبارات مەركىزى 27-فېۋرال رەسمىي ئىشقا كىرىشتۈرۈلدى.
13-نۆۋەتلىك مەملىكەتلىك خەلق قۇرۇلتىيى 2-يىغىنى ۋە سىياسىي كېڭەش مەملىكەتلىك 13-نۆۋەتلىك كومىتېتىنىڭ 2-يىغىنى ئايرىم-ئايرىم 5-مارت ۋە 3- مارت بېيجىڭدا ئېچىلىدۇ. ئىككى يىغىن ئاخبارات مەركىزىدىن ئىگىلىنىشىچە، ھازىرغىچە 3000دىن ئارتۇق جۇڭگو ۋە چەت ئەل مۇخبىرلىرى مەملىكەتلىك ئىككى يىغىننى زىيارەت قىلىشقا تىزىملاتقان.
2019-يىلى − يېڭى جۇڭگو قۇرۇلغانلىقىنىڭ 70 يىللىقى، ئومۇميۈزلۈك ھاللىق جەمئىيەت قۇرۇپ چىقىش، تۇنجى 100 يىللىق كۈرەش نىشانىنى ئىشقا ئاشۇرۇشتىكى ھالقىلىق بىر يىل. بۇ يىلقى مەملىكەتلىك ئىككى يىغىن كىشىلەرنىڭ ئالاھىدە دىققىتىنى تارتتى.
كۆرۈپ بېكىتكۈچى: ياسىن قادىر
مەنبە: خەلق تورى