خەلق تورى ئۇيغۇرچە قانىلىنىڭ 30-يانۋار بېيجىڭدىن بەرگەن تېلېگراممىسى: 1-ئاينىڭ 29-كۈنى، ئوت ئۆچۈرۈش خادىملىرى يەر تەۋرەشكە تاقابىل تۇرۇپ، ئاپەتتىن قۇتقۇزۇش بىرلەشمە مانېۋىرىدا يۇقىرى ھاۋا بوشلۇقىدا قۇتقۇزۇش ئېلىپ بارماقتا.
شۇ كۈنى، شىنجاڭ ئىلى قازاق ئاپتونوم ئوبلاستى ئوت ئۆچۈرۈش-قۇتقۇزۇش ئەترىتىنىڭ تۇنجى قېتىملىق يەر تەۋرەشكە تاقابىل تۇرۇپ، ئاپەتتىن قۇتقۇزۇش بىرلەشمە مانېۋىرى چاپچال شىبە ئاپتونوم ناھىيەسىدە ئۆتكۈزۈلدى. ئىلى ئوبلاستلىق ئورمان ئوت مۇداپىئە تارماق ئەترىتى ئىلى ئوبلاستلىق ئوت ئۆچۈرۈش تارماق ئەترىتى بىلەن بىرلىشىپ، چاپچال شىبە ئاپتونوم ناھىيەسىدە قاتتىق يەر تەۋرەش ئاپىتى يۈز بەرگەنلىكىدەك ئەھۋالنى ئارقا كۆرۈنۈش قىلىپ، قاراتمىلىق ھالدا جىددىي تاقابىل تۇرۇش مېخانىزمى، خادىملارنى يەتكۈزۈش، ئالدىن تەييارلىق قىلىش، ۋەزىپە-ھەرىكەتكە قوماندانلىق قىلىش، داۋالاش ھەرىكىتى، قايتىش قاتارلىق مەزمۇنلارنى بىرلەشتۈرگەن بىرلەشمە مانېۋىر ئېلىپ بېرىپ، ئوت ئۆچۈرۈش- قۇتقۇزۇش قوشۇنىنىڭ تۇيۇقسىز يۈز بەرگەن ئاپەت ۋەقەلىرىنى جىددىي بىر تەرەپ قىلىش ئىقتىدارىنى مەركەزلىك تەكشۈردى.
كۆرۈپ بېكىتكۈچى: ياسىن قادىر
مەنبە: خەلق تورى