خەلق تورى ئۇيغۇرچە قانىلىنىڭ 18- دېكابىر بېيجىڭدىن بەرگەن تېلېگراممىسى: 12-ئاينىڭ 17-كۈنى، قوراللىق ساقچى قىسىم يىبىن تارماق ئەترىتىدىكى ئوفېتىسر-ئەسكەرلەر شىڭۋېن ناھىيەسىنىڭ جوۋجيا بازىرى جوۋجيا كەنتىگە يېتىپ كېلىپ، زىيانغا ئۇچرىغان يول يۈزىنى تازىلىماقتا.
شۇ كۈنى، سىچۈەننىڭ شىڭۋېندىكى 5.7 بال يەر تەۋرەشكە قارىتا، جىددىي ۋەقەلەرنى باشقۇرۇش مىنىستىرلىقىنىڭ ئاپەتتىن قۇتقۇزۇش خىزمىتى گۇرۇپپىسى يىبىنغا يېتىپ بېرىپ، يەرلىكنىڭ ئاپەتكە ئۇچرىغان ئاممىنى ئاپەتتىن كېيىنكى قۇتقۇزۇش خىزمىتىنى پۈتۈن كۈچ بىلەن ياخشى ئىشلىشىگە يېتەكچىلىك قىلدى. 17-دېكابىر سائەت يەتتىدىن 30 مىنۇت ئۆتكەنگە قەدەر، يەر تەۋرەشتە جەمئىي 17 ئادەم يېنىك يارىلانغان بولۇپ، ھەممىسى يېزا-بازارلىق شىپاخانىلارغا ئاپىرىپ قۇتقۇزۇلدى، بۇنىڭ ئىچىدە ئالتە كىشى دوختۇرخانىدىن چىقتى. يەر تەۋرىگەن ئاپەت رايونىنىڭ يەر تەۋرەشكە تاقابىل تۇرۇپ ئاپەتتىن قۇتقۇزۇش خىزمىتى تەرتىپلىك ئىشلەنمەكتە.
كۆرۈپ بېكىتكۈچى: ياسىن قادىر
مەنبە: خەلق تورى