«ئىلىم-پەن» ناملىق ئىلمىي تەكشۈرۈش پاراخوتى ۋەزىپىسىنى مۇۋەپپەقىيەتلىك تاماملاپ چىڭداۋغا قايتىپ كەلدى
خەلق تورى خەۋىرى: «ئىلىم-پەن» ناملىق ئىلمىي تەكشۈرۈش پاراخوتى 2018-يىلى 11-ئاينىڭ 5-كۈنى دۆلەت تەبىئىي پەن فوندى كومىتېتىنىڭ «2018-يىللىق غەربىي تىنچ ئوكياندىكى ئېچىۋېتىلگەن، ھەمبەھرلىك سەپەر» ئىلمىي تەكشۈرۈش ۋەزىپىسىنى مۇۋەپپەقىيەتلىك تاماملاپ، چىڭداۋ غەربىي قىرغاق يېڭى رايونىدىكى پورتقا قايتىپ كەلدى. بۇ قېتىملىق ۋەزىپىنى تاماملاشقا 31 كۈن ۋاقىت كەتكەن بولۇپ، پاراخوت 5600 دېڭىزمىلىدىن كۆپ مۇساپىنى باستى، مەملىكەت ئىچىدىكى سەككىز ئورۇننىڭ دۆلەت دەرىجىلىك 25 تۈرلۈك تەتقىقاتىنى بىللە ئېلىپ ماڭدى.
بۇ قېتىملىق سەپەردە ئالاقىدار ئورۇنلار دېڭىز رايونىنىڭ پۈتۈن چوڭقۇرلۇق گىدرولوگىيەلىك كۆزىتىش سانلىق مەلۇماتى ھەمدە تەيفىڭ بورىنى «يۈتۇ»نىڭ چېگرىدىن ئۆتكەندىن كېيىنكى بىرىنچى قول كۆزىتىش سانلىق مەلۇماتىغا ئېرىشتى، ھەمدە غەربىي تىنچ ئوكيان خەلقئارا سۇ رايونىغا تۇنجى ئىككى يۈرۈش فىزىكىلىق گىدرومېترىيە ۋە گېئولوگىيىلىك چۆكۈندىلىرىنى ئۆلچەش بىرىكمە يوشۇرۇن بەلگىسىنى جايلاشتۇردى، دۆلىتىمىزدە ئىشلەنگەن دولقۇن پىلانېرى ۋە يۇقىرى چاستوتىلىق لەيلىمە ئېقىن بەلگىسىنى دېڭىزدا سىناق قىلدى، بۇلار تىنچ ئوكيان ئايلانما ئېقىمى ۋە كىلىمات ئۆزگىرىشىنى تەتقىق قىلىشتا مۇھىم ئىلىم-پەن قىممىتىگە ئىگە. (شىنخۇا ئاگېنتلىقى مۇخبىرى جاڭ جىنگاڭ فوتوسى)
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
