- مۇھىم
- مەملىكەت
- شىنجاڭ
- خەلقئارا
چاڭچۇن چاڭشېڭ شىركىتىنىڭ باش مۇدىرى قاتارلىق 18 جىنايەت گۇماندارىنى قولغا ئېلىشنى تەستىقلاشقا ئىلتىماس سۇنۇلدى
2018.07.30 15:53 مەنبە: خەلق تورى
خەلق تورى ئۇيغۇرچە قانىلىنىڭ 30-ئىيۇل بېيجىڭدىن بەرگەن تېلېگراممىسى: 29-ئىيۇل، چاڭچۈن يېڭى تېخنىكىلىق كەسىپلەر تەرەققىيات رايونى ج خ تارماق ئىدارىسى ناچار دورا ئىشلەپچىقىرىش، سېتىش جىنايىتىگە چېتىلىش سەۋەبلىك، چاڭچۇن چاڭشېڭ بىئو پەن-تېخنىكا چەكلىك مەسئۇلىيەت شىركىتىنىڭ باش مۇدىرى گاۋX قاتارلىق 18 جىنايەت گۇماندارىنى قولغا ئېلىش توغرىسىدا تەپتىش ئورگىنىغا قولغا ئېلىشنى تەستىقلاش ئىلتىماسىنى سۇندى.
7-ئاينىڭ 23-كۈنىدىن بۇيان، ج خ ئورگانلىرىنىڭ رازۋېدكا قىلىپ تەكشۈرۈشى ئارقىلىق، چاڭچۇن چاڭشېڭ بىئو پەن-تېخنىكا چەكلىك مەسئۇلىيەت شىركىتىنىڭ ئادەمگە ئىشلىتىلىدىغان توڭلىتىپ قۇرۇتۇلغان غالجىرلىق كېسىلى ۋاكسىنىسىنى ئىشلەپچىقىرىشتا قانۇنغا خىلاپ جىنايەت پاكىتى بارلىقى ئاساسىي جەھەتتىن تەكشۈرۈپ ئېنىقلاندى. 7-ئاينىڭ 29-كۈنى، جىنايى ئىشلار دەۋا قانۇنىنىڭ 79-ماددىسىدىكى بەلگىلىمە بويىچە، چاڭچۈن يېڭى تېخنىكىلىق كەسىپلەر تەرەققىيات رايونى ج خ تارماق ئىدارىسى ناچار دورا ئىشلەپچىقىرىش، سېتىش جىنايىتى بىلەن چاڭچۇن چاڭشېڭ بىئو پەن-تېخنىكا چەكلىك مەسئۇلىيەت شىركىتىنىڭ باش مۇدىرى گاۋX قاتارلىق 18 جىنايەت گۇماندارىنى قولغا ئېلىش توغرىسىدا تەپتىش ئورگىنىغا قولغا ئېلىشنى تەستىقلاش ئىلتىماسى سۇندى. نۆۋەتتە، دېلونى سوت قىلىش ئېلىپ بېرىلىۋاتىدۇ.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مۇستافا شاۋكەت
ئالاقىدار خەۋەرلەر