- مۇھىم
- مەملىكەت
- شىنجاڭ
- خەلقئارا
دوكلاتتا كۆرسىتىلىشىچە، باكتېرىيىگە قارشى دورىلارنىڭ ئىشلىتىلىش نىسبىتى تۆۋەنلىگەن
2018.06.11 16:30 مەنبە: خەلق تورى
خەلق تورى ئۇيغۇرچە قانىلىنىڭ 11-ئىيۇن بېيجىڭدىن بەرگەن تېلېگراممىسى: كېسەل كۆرسىتىش ۋە دوختۇرخانىدا ياتقان بىمارنىڭ باكتېرىيەگە قارشى دورىلارنى ئىشلىتىش نىسبىتى يىلدىن يىلغا تۆۋەنلىدى ۋە ئاز ئۇچرايدىغان كېسەللەرگە دورا تەتقىق قىلىشقا ئەھمىيەت بېرىلدى. يېقىندا، ئوتتۇرا جۇڭگو پەن-تېخنىكا ئۇنىۋېرسىتېتىنىڭ تۇڭجى تېببىي ئىنستىتۇتى باش بولۇپ تۈزگەن «جۇڭگونىڭ داۋالاش سەھىيە ئىشلىرى تەرەققىياتى 2017- يىللىق دوكلاتى» ۋۇخەندە ئېلان قىلىندى .
«دوكلات»تا مۇنۇلار كۆرسىتىلدى: دۆلەت سەھىيە ساغلاملىق كومىتېتى كۆزىتىش سانلىق مەلۇماتىغا ئاساسەن، 2015- يىلى ئېلىمىزنىڭ ئامبۇلاتورىيە ۋە دوختۇرخانىدا ياتقان بىمارنىڭ باكتېرىيەگە قارشى دورىلارنى ئىشلىتىش نىسبىتى 2010 - يىلىدىكىدىن ئايرىم-ئايرىم ھالدا %10 ۋە %28.2 تۆۋەنلەپ، باكتېرىيىگە قارشى دورىلارنى ئىشلىتىش پەيدىنپەي مۇۋاپىقلىشىشقا قاراپ يۈزلەنمەكتە. تۇڭجى تېببىي ئىنستىتۇتىنىڭ پروفېسسورى فاڭ پېڭچيەن ئەھۋال تونۇشتۇرۇپ مۇنداق دېدى: گەرچە داۋالاش ئاپپاراتى باكتېرىيىگە قارشى دورىلارنى زىيادە ئىشلىتىش ئەخۋالى تىزگىنلەنگەن بولسىمۇ، لېكىن شەھەر-يېزا ئاھالىلىرىنىڭ ئۆزىنى ئۆزى دورا بىلەن داۋالاش ئارزۇسى بىر قەدەر يۇقىرى بولماقتا. سانلىق مەلۇماتلاردا كۆرسىتىلىشىچە، نۇرغۇن قۇرامىغا يەتكەنلەر ئۆزى دورا دۇكىنىغا بېرىپ باكتېرىيەگە قارشى دورا سېتىۋالىدىكەن.
كۆرۈپ بېكىتكۈچى: موللانىياز تۇنىياز
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر