خەلق تورى ئۇيغۇرچە قانىلىنىڭ 29- ماي بېيجىڭدىن بەرگەن تېلېگراممىسى: 5-ئاينىڭ 28-كۈنى، قۇتقۇزۇش خادىملىرى ماۋدۇجەن بازىرى يامۇتۇ كەنتىدە قۇتقۇزۇش ماددىي ئەشيالىرىنى يۆتكىمەكتە.
شۇ كۈنى چۈشتىن بۇرۇن سائەت توققۇز يېرىم ئەتراپىدا، جىلىن ئۆلكىسى سۇڭيۈەن شەھەرلىك خەلق ئىشلىرى ئىدارىسىنىڭ تۇنجى تۈركۈمدىكى قۇتقۇزۇش ماددىي ئەشيالىرى ئاپەت ئەڭ ئېغىر بولغان نىڭجياڭ رايونى ماۋدۇجەن بازىرى يامۇتۇ كەنتى، فۇشىڭ كەنتى، جياڭجياۋېيزى قاتارلىق كەنتلەرگە توشۇلدى، بۇنىڭ ئىچىدە 90 دانە چېدىر، 200 قاتلىما كارىۋات، 200 يەشىك مىنېرال سۇ ۋە تەييار چۆپ، بولكا قاتارلىق يېمەكلىكلەر بار، باشقا تۈركۈمدىكى قۇتقۇزۇش ماددىي ئەشيالىرىمۇ يەر تەۋرەش ئاپىتىگە ئۇچرىغان رايونلارغا ئارقا-ئارقىدىن يەتكۈزۈلمەكتە.
كۆرۈپ بېكىتكۈچى: ياسىن قادىر
مەنبە: خەلق تورى