4-ئاينىڭ 10-كۈنى ئۇچقۇچىسىز ئايروپىلاندا سۈرەتكە تارتىلغان خۇبېي ئۆلكىسى ۋۇخەن شەھىرى خوڭشەن رايونى شىماۋ لەنيۈئەن ئولتۇراق رايونى ئەتراپىدا توختىتىپ قويۇلغان ھەمبەھىر ۋېلسىپىتلىرى.
خەلق تورى ئۇيغۇرچە قانىلىنىڭ 23- ماي بېيجىڭدىن بەرگەن تېلېگراممىسى: شاڭخەي شەھىرى جياڭشى شىمالىي يولى، خەينىڭ يولى ۋە ۋۇجىن يولى ئەتراپىدا كۆلىمى خېلى چوڭ بىر چېقىش-كۆچۈرۈش يېرى بار، بۇ يەرگە ھەر خىل رەڭدىكى ھەمبەھىر ۋېلسىپىتلىرى دۆۋىلەپ قويۇلغان بولۇپ، خۇددى ۋېلىسىپىت «قەبرىستانلىقى»غا ئوخشاپ قالغان ئىدى. شاڭخەي شەھەرلىك قاتناش كومىتېتىنىڭ دېيىشىچە، بۇ يەرگە 10 مىڭدىن ئارتۇق ھەمبەھىر ۋېلسىپىتلىرى توختىتىپ قويۇلغان ئىدى. مۇشۇنىڭغا ئوخشاش ھەمبەھىر ۋېلسىپىتلىرى نۇرغۇن جايلاردا پەيدا بولدى. يېقىندا بېيجىڭ، شاڭخەي، گۇاڭجۇ، شيامېن، خېفېي، نەنچاڭ قاتارلىق نۇرغۇن جايدا بايقىلىشىچە، بەزى جايلاردا كونا ھەمبەھىر ۋېلسىپىتلىرى تېخى تازىلانماي تۇرۇپلا، ئۈزلۈكسىز تۈردە يېڭى «قەبرىستانلىق» قوشۇلغان، زور مىقداردىكى تاشلىۋېتىلگەن ھەمبەھىر ۋېلسىپىتلىرى ئاممىۋى بوشلۇقنى ئىگىلەپلا قالماي، يەنە زور دەرىجىدە ئىسراپچىلىقنى پەيدا قىلغان.
كۆرۈپ بېكىتكۈچى: ياسىن قادىر
مەنبە: خەلق تورى