سۈرەتتە: خەيئېر مەدەنىيەت سارىيىدا كۆرگەزمە قىلىنغان «چىڭداۋ توڭلاتقۇ باش زاۋۇتى»نىڭ زاۋۇت ماركىسى (11-ماي تارتىلغان سۈرەت).
خەلق تورى ئۇيغۇرچە قانىلىنىڭ 15- ماي بېيجىڭدىن بەرگەن تېلېگراممىسى:
قىزىل تام، يېشىل دەرەخ، كۆكۈچ دېڭىز، كۆك ئاسمان، ئېچىۋېتىلگەن ۋە ھەمكارلىققا سىمۋول قىلىنغان چىڭداۋ ئاسما كۆۋرۈكى بىلەككە ئوخشاش بىپايان دېڭىز– ئوكيان تەرەپكە سوزۇلغان.
شاڭخەي ھەمكارلىق تەشكىلاتىغا ئەزا دۆلەتلەر باشلىقلىرى كېڭىشىنىڭ 18- قېتىملىق يىغىنى يېتىپ كېلىش ئالدىدا، چىڭداۋ دۇنيانىڭ نەزىرى ئاستىدا، ئۆزىنىڭ 40 يىللىق «ئېچىۋېتىلگەن يىللىرى»نى نامايان قىلماقتا.
چىڭداۋ جۇڭگونىڭ دېڭىز بويىدىكى تۇنجى تۈركۈمدە ئېچىۋېتىلگەن 14 شەھىرىنىڭ بىرى بولۇپ، ئىشىكنى ئېچىۋېتىش سىياسىتىگە تايىنىپ، «جۇڭگو ياسىمىچىلىقى»نىڭ «چىڭداۋ ئۇسلۇبى»نى بەرپا قىلىشتىن، ھەر تەرەپلىمە ئېچىۋېتىش ئەندىزىسىنى بەرپا قىلىشقىچە، يەنە تېخىمۇ يۇقىرى قاتلاملىق «خەلقئارالىشىش +» ھەرىكىتىنى يولغا قويۇشقىچە، شىمالدىكى بۇ مۇھىم پورت شەھىرى جۇڭگونىڭ ئىشىكنى ئېچىۋېتىش دائىرىسىنى ئۈزلۈكسىز كېڭەيتىشى ھەمدە كۆزگە كۆرۈنەرلىك نەتىجىلەرگە ئېرىشىشىنىڭ ئىخچام كۆرۈنۈشى بولۇپ قالدى.
بىر ئاي ئىلگىرى، ئېچىۋېتىش باھار دولقۇنى بوئاۋدا مەۋج ئۇرغان ئىدى. باش يازدىكى 6-ئايدا، «شاڭخەي ھەمكارلىق تەشكىلاتى ساداسى» چىڭداۋدا ياڭرىغۇسى.
كۆرۈپ بېكىتكۈچى: ياسىن قادىر
مەنبە: خەلق تورى