سۈرەتتە: گۇاڭدۇڭنىڭ يىڭدې شەھىرىدىكى KTVغا ئوت كەتكەن نەق مەيدان (4-ئاينىڭ 24-كۈنى ئۇچقۇچىسىز ئايروپىلاندا تارتىلغان).
خەلق تورى ئۇيغۇرچە قانىلىنىڭ 25- ئاپرېل بېيجىڭدىن بەرگەن تېلېگراممىسى: گۇاڭدۇڭ ئۆلكىسى چىڭيۈەن شەھەرلىك ج خ ئىدارىسىنىڭ ئومۇمىي ئۇقتۇرۇشىغا قارىغاندا، 24-ئاپرېل سائەت نۆلدىن 30 مىنۇت ئۆتكەندە، چىڭيۈەن شەھىرى تەۋەلىكىدىكى يىڭدې شەھەرلىك «110» شۇ جاينىڭ چايۈەن يولىدىكى بىر KTVدا ئوت ئاپىتى يۈز بەرگەنلىك مەلۇماتىنى تاپشۇرۇۋالدى، جامائەت خەۋپسىزلىكى، سەھىيە، بىخەتەرلىكنى نازارەت قىلىش قاتارلىق تارماقلار نەق مەيدانغا بېرىپ قۇتقۇزدى. 24-ئاپرېل سائەت نۆلدىن 55 مىنۇت ئۆتكەندە ئوت ئۆچۈرۈلدى. سائەت سەككىزگىچە، نەق مەيداندا جەمئىي 18 ئادەم قازا قىلدى، بەش ئادەم يارىلاندى، يارىدارلار دوختۇرخانىغا ئېلىپ بېرىلدى.
كۆرۈپ بېكىتكۈچى: ياسىن قادىر
مەنبە: خەلق تورى