1-ئاينىڭ 18-كۈنى، جياڭسۇ ئۆلكىسى ليەنيۈنگاڭ شەھىرىنىڭ خەيجۇ رايونىدىكى بىر توقۇمىچىلىق كارخانىسىدا ئىشچىلار ئىشلەپچىقىرىش لىنىيەسىدە خىزمەت قىلماقتا.
خەلق تورى ئۇيغۇرچە قانىلىنىڭ 19- يانۋار بېيجىڭدىن بەرگەن تېلېگراممىسى: دۆلەت ئىستاتىستىكا ئىدارىسى 18- يانۋار ئېلان قىلغان سانلىق مەلۇماتتا كۆرسىتىلىشىچە، 2017-يىلى ئېلىمىزنىڭ ئىچكى ئىشلەپچىقىرىش ئومۇمىي قىممىتى (GDP) 82 تىرىليون 712 مىليارد 200 مىليون يۈەن بولۇپ، تۇنجى قېتىم 80 تىرىليون يۈەنلىك چوڭ ئۆتكەلنى بۆسۈپ ئۆتكەن. سېلىشتۇرما باھاغا ئاساسەن ھېسابلىغاندا، GDP بۇلتۇرقىدىكىدىن %6.9 ئاشقان بولۇپ، ئېشىش سۈرئىتى ئالدىنقى يىلدىكىدىن % 0.2 پوئېنت ئۆسكەن، بۇ شۇنداقلا ئېلىمىز ئىقتىسادىنىڭ يىللىق ئېشىش سۈرئىتىنىڭ 2011-يىلى تۆۋەنلىگەندىن بۇيان تۇنجى قېتىم قايتا ئېشىشى بولۇپ قالغان.
كۆرۈپ بېكىتكۈچى: ياسىن قادىر
مەنبە: خەلق تورى