سۈرەتتە: قۇرۇلۇش قىلىنىۋاتقان خۇمېن 2-كۆۋرۈكى (12-ئاينىڭ 14- كۈنى تارتىلغان).
خەلق تورى ئۇيغۇرچە قانىلىنىڭ 21- دېكابىر بېيجىڭدىن بەرگەن تېلېگراممىسى: قاتناش ئۇل ئەسلىھە قۇرۇلۇشى گۇاڭدۇڭ-شياڭگاڭ-ئاۋمېن چوڭ قولتۇق رايونى قۇرۇلۇشىنىڭ مۇھىم ۋاسىتىسى ۋە ئاساسىي مەزمۇنى. گۇاڭدۇڭ ـ شياڭگاڭ- ئاۋمېن چوڭ قولتۇق رايونىنىڭ ئىچكى رايونى بولغان گۇاڭدۇڭدا يېقىنقى يىللاردىن بۇيان قاتناش ئۇل ئەسلىھە قۇرۇلۇشى ئۈزلۈكسىز تېزلىتىلىپ، ئۇنىۋېرسال تىرانسپورت مۇلازىمەت سەۋىيەسى داۋاملىق ئۆستۈرۈلۈپ، گۇاڭدۇڭ-شياڭگاڭ-ئاۋمېن چوڭ قولتۇق رايونىنىڭ تاشقى قاتناش تىرانسپورت تورى تەدرىجىي شەكىللەندى.
نۆۋەتتە، گۇاڭدۇڭ-شياڭگاڭ- ئاۋمېن چوڭ قولتۇق رايونىنىڭ دېڭىز، قۇرۇقلۇق، ھاۋا تاشقى يولى ئاساسىي جەھەتتىن تورلاشتۇرۇلۇپ، يولۇچى توشۇش، يۈك توشۇش ئومۇمىي مىقدارىنىڭ مەملىكەت ئومۇمىي مىقدارىدا ئىگىلىگەن نىسبىتى %35تىن ئېشىپ، شەرتلىك ھالدا فۇنكسىيەسى مۇكەممەل، دەل ۋاقتىدا بولۇشى ئىشەنچىلىك، تاموژنىدىن ئۆتۈش قولايلىق، ئالماشتۇرۇش راۋان، ئىقتىسادىي ئۈنۈمى يۇقىرى، دېڭىز-قۇرۇقلۇق-ھاۋا تەڭ ئىلگىرىلىگەن «بىر بەلباغ، بىر يول»نىڭ دەرۋازىسى ۋە تۈگۈنى شەكىللەندى.
كۆرۈپ بېكىتكۈچى: ياسىن قادىر
مەنبە: خەلق تورى