11- ئاينىڭ 23- كۈنى، «2017-يىللىق بېيجىڭدا تۇرۇشلۇق قىسىملاردىكى ھەربىيلەرنىڭ ئائىلە تاۋابىئاتلىرىنى مەخسۇس تەكلىپ قىلىش يىغىنى»نىڭ نەق مەيدانىدا، ئۇلارنىڭ قوشۇن بىلەن بىللە يۈرىدىغان ئائىلە تاۋابىئاتلىرى تەكلىپ قىلىنغان ئورۇننى تاللىماقتا.
خەلق تورى ئۇيغۇرچە قانىلىنىڭ 24- نويابىر بېيجىڭدىن بەرگەن تېلېگراممىسى: شۇ كۈنى، بېيجىڭ شەھىرى «2017-يىللىق بېيجىڭدا تۇرۇشلۇق قىسىملاردىكى ھەربىيلەرنىڭ ئائىلە تاۋابىئاتلىرى مەخسۇس تەكلىپ قىلىش يىغىنى»نىڭ قۇرۇقلۇق ئارمىيە سەپدىشى تەنتەربىيە سارىيىدا ئۆتكۈزۈلدى. 492 كارخانا ۋە كەسپىي ئورۇنلار تەمىنلىگەن قوبۇل قىلىش ئىش ئورنى4000غا يەتكەن بولۇپ، بۇلار دوختۇرلار، ئوقۇتقۇچىلار، مەمۇرىي باشقۇرۇش كەسپىدىكىلەر ۋە بوغالتىرلىق كەسپىدىكىلەر قاتارلىق نەچچە كەسىپىي ساھەلەرگە چېتىلىدىكەن. بۇ تەكلىپ قىلىش يىغىنىنى بېيجىڭ شەھەرلىك ئادەم كۈچى بايلىقى ۋە ئىجتىمائىي كاپالەت ئىدارىسى، بېيجىڭ شەھەرلىك ئىككىنى ھىمايە قىلىش ئىشخانىسى، ھەربىي كومىتېت سىياسەت خىزمەت بۆلۈمىنىڭ كادىرلار ئىدارىسى ۋە ھەربىي كومىتېت سىياسەت خىزمەت بۆلۈمىنىڭ ئاممىۋى خىزمەت ئىدارىسى بىرلىكتە ئۇيۇشتۇرغان.
كۆرۈپ بېكىتكۈچى: موللانىياز تۇنىياز
مەنبە: خەلق تورى