خەلق تورى ئۇيغۇرچە قانىلىنىڭ 18- سېنتەبىر بېيجىڭدىن بەرگەن تېلېگراممىسى: 31-نۆۋەتلىك جۇڭگو كىنو ئالتۇن خوراز مۇكاپاتى 16-سېنتەبىر كەچتە كۆكخوت شەھىرىدە ئېلان قىلىندى. فەن بىڭبىڭ «مەن پەن جىنليەن ئەمەس» ناملىق كىنو بىلەن ئالتۇن خوراز مۇكاپاتىنىڭ ئەڭ ياخشى ئايال باش رولچى مۇكاپاتىغا ئېرىشتى.
ئەمەلىيەتتە، «مەن پەن جىنليەن ئەمەس» ناملىق كىنو شۇ كۈنى كەچتە ئەڭ چوڭ يەڭگۈچى بولۇپ قالدى، ئەڭ ياخشى ئايال رولچى مۇكاپاتىدىن باشقا، فىڭ شياۋگاڭ ۋە يۈ خېۋېيمۇ بۇ فىلىم بىلەن ئەڭ ياخشى رېژىسسور ۋە ئەڭ ياخشى ئەر يانداش رولچى مۇكاپاتىغا ئېرىشتى.
لىن چاۋشيەن رېژىسسورلۇق قىلغان «مىكوڭ دەريا ھەرىكىتى» ئەڭ ياخشى ھېكايە فىلىم مۇكاپاتىغا ئېرىشتى؛ دېڭ چاۋ «ئوتتەك قىزىق يۈرەك» فىلىمى بىلەن ئەڭ ياخشى ئەر باش رولچى مۇكاپاتىغا ئېرىشتى؛ گۇەن خۇ، دوڭ رۈننيەن «كونا زەمبىرەك» ناملىق كىنو بىلەن ئەڭ ياخشى سېنارىست مۇكاپاتىغا ئېرىشتى؛ ۋېن جاڭ «لۇ ياۋ مالىنى چۈشىنىدۇ» ناملىق كىنو بىلەن رېژىسسورنىڭ تۇنجى ئەسىرى مۇكاپاتىغا ئېرىشتى.
ئۇندىن باشقا، «ياپونىيە ئۇرۇش جىنايەتچىسىنىڭ پۇشايمان خاتىرىسى» ئەڭ مۇنەۋۋەر ھۆججەتلىك فىلىم مۇكاپاتىغا ئېرىشتى؛ «ئۇجۇمچىنلىق بالا» ئەڭ ياخشى بالىلار فىلىمى مۇكاپاتىغا ئېرىشتى؛ «مۇ گۈييىڭنىڭ باش قوماندان بولۇشى» ئەڭ نادىر چاڭچىلە فىلىم مۇكاپاتىغا ئېرىشتى؛ «تۇنجى يۇلتۇزنىڭ سىرىنى ئېچىش» ئەڭ ياخشى ئىلمىي تەربىيەۋى فىلىم مۇكاپاتىغا ئېرىشتى؛ «يوغان قۇلاق تۇتۇنىڭ يېمەك-ئىچمەك خىيال كۈيى» ناملىق فىلىم ئەڭ ياخشى گۈزەل سەنئەت مۇكاپاتىغا ئېرىشتى.
كۆرۈپ بېكىتكۈچى: ياسىن قادىر
مەنبە: خەلق تورى