خەلق تورى ئۇيغۇرچە قانىلىنىڭ 29- ئاۋغۇست بېيجىڭدىن بەرگەن تېلېگراممىسى:1. ئىزناكنى لايىھەلەشتىكى ئىدىيەئىزناكنىڭ ئاساسلىق ئوبرازى «جىن» خېتى، «13» دېگەن رەقەم، «ئىككى بىلىكىنى ئاچقان ئادەم شەكلى» ۋە «خەيخې دەرياسى» قاتارلىق ئېلېمېنتلارنىڭ بىرىكىشىدىن تەركىب تاپقان بولۇپ، شۇ ئارقىلىق «مەشئەل»نىڭ شەكلى ھاسىل قىلىنغان، ھەمدە مەزكۇر تەنھەرىكەت مۇسابىقىسىنىڭ «ئومۇمىي خەلق تەنھەرىكەت يىغىنى ئارقىلىق خەلققە نەپ يەتكۈزۈش ۋە ساغلام جۇڭگو بەرپا قىلىش»تىن ئىبارەت باش تېمىسى گەۋدىلەندۈرۈلگەن.
2. ئىزناكنىڭ ئالاھىدىلىكى
ھۆسنخەت بىلەن يېزىلغان «津» دېگەن بۇ خەتتە جۇڭگونىڭ مەدەنىيەت ئالاھىدىلىكى ئىپادىلىلەنگەن؛ يانتۇ بۇلۇڭلۇق قىلىپ قولدا يېزىلغان «13» دېگەن بۇ رەقەم كىشىلەرگە ھەرىكەت تۇيغۇسى بېرىدىغان بولۇپ، ئۇ،«تېخىمۇ يۇقىرى، تېخىمۇ تېز، تېخىمۇ كۈچلۈك» بولۇشتەك ئولىمپىك روھىغا بولغان ئىنتىلىشنى كۆرسىتىدۇ.
3. كىنايەمەنىسى
1). ئىككى بىلىكى ئېچىلغان «津» دېگەن خەتنىڭ مەنىسى: ھەر جايدىن كەلگەن مېھمانلارنى قىزغىن قارشى ئالىدىغانلىقنى، قۇچاقنى كەڭ ئېچىپ، دۇنيانى باغرىغا باسىدىغانلىقنى، ھەمدە پۈتكۈل تيەنجىن خەلقىنىڭ تىنچ گۈللەنگەن دەۋرىدە بىر نىيەتتە ئىكەنلىكىنى، ئوچۇق كۆڭۈللۈك ۋە سىغدۇرۇشچان روھىي ھالەتتە ئىكەنلىكىنى گەۋدىلەندۈرىدۇ.
2) مەزكۇر ئىزناكتا كۆك رەڭ ئاساسىي رەڭ قىلىنغان بولۇپ، ئۇ، ھەم تەنتەربىيە روھىنى گەۋدىلەندۈرۈش، ھەم كەلگۈسىگە ئاتلىنىشتەك ئارزۇسىنى ئىشقا ئاشۇرۇش لېنتىسىدىن ئىبارەت. شۇنىڭ بىلەن بىر ۋاقىتتا، ئۇ يەنە تيەنجىندىكى خەيخې دەرياسى (يەنى تيەنجىننىڭ بىردىنبىر سىمۋوللۇق بەلگىسى)گە سىمۋول قىلىنغان بولۇپ، مەشئەل ئۇچىدىكى قىزىل يالقۇن قايناق قىزغىنلىققا ۋەكىللىك قىلىدۇ، ھەمدە يورۇقلۇق، ئىتتىپاقلىشىش، دوستلۇق، تىنچ ۋە ئادالەتكە سىمۋول قىلىنىدۇ.
كۆرۈپ بېكىتكۈچى: موللانىياز تۇنىياز
مەنبە: خەلق تورى