خەلق تورى ئۇيغۇرچە قانىلىنىڭ 9- ئاۋغۇست بېيجىڭدىن بەرگەن تېلېگراممىسى: سىچۈەن ئۆلكىلىك ھۆكۈمەت ئاخبارات ئىشخانىسىدىن ئىگىلىنىشىچە، 8- ئاينىڭ 8- كۈنى سائەت 21دىن 19 مىنۇت ئۆتكەندە، ئابا زاڭزۇ- چياڭزۇ ئاپتونوم ئوبلاستى جيۇجەيگۇ ناھىيەسىدە يەتتە بال يەر تەۋرىدى، 9- ئاۋغۇست سەھەر سائەت بەشكىچە، يەر تەۋرەش ئاپىتىدە توققۇز كىشى قازا قىلدى، 164 نەپەر ئادەم يارىلاندى.
نۆۋەتتە، جيۇجەيگۇ ناھىيەلىك قاتناش تارماقلىرى 14 دانە قاچىلاش ماشىنىسى، ئون كىچىك ماشىنا، ئىككى ماتېرىيال توشۇش ماشىنىسى، 90 نەپەر خادىمنى يوللاردا خەتەردىن قۇتقۇزۇش خىزمىتىنى قانات يايدۇرۇشقا ئورۇنلاشتۇردى،شۇنىڭ بىلەن بىر ۋاقىتتا، 310 نەپەر تېببىي خادىم، 47 قېتىم قۇتقۇزۇش ئاپتوموبىلى چىقىرىپ، يارىلانغانلارنى قۇتقۇزۇش خىزمىتىنى قانات يايدۇردى، ناھىيەلىك خەلق قوراللىق بۆلۈمى، خەلق ئىشلىرى، جامائەت خەۋپسىزلىكى، ئوت مۇداپىئەسى، ئالاقە، ئېلېكتر ئېنېرگىيەسى قاتارلىق ھەر قايسى تەرەپلەرنىڭ قۇتقۇزۇش كۈچلىرىدىن 1200دىن ئارتۇق ئادەم، 90دىن ئارتۇق چوڭ تىپتىكى ماشىنىلارنى ئورۇنلاشتۇرۇپ، خەتەردىن قۇتقۇزۇش، ياردەم بېرىش خىزمىتىنى پائال قانات يايدۇردى.
مەنبە: خەلق تورى