خەلق تورى ئۇيغۇرچە قانىلىنىڭ 18- ماي بېيجىڭدىن بەرگەن تېلېگراممىسى: 17- ماي، جامائەت خەۋپسىزلىكى مىنىستىرلىقىدىكى جىنايى ئىشلارنى تەھقىقلەش ئىدارىسى ئالداپ سېتىشقا زەربە بېرىش ئىشخانىسىنىڭ مۇدىرى چېن جيەنفېڭ «جەم قىلىش» سىستېمىسى ئىشقا سېلىنغاندىن كېيىنكى بىر يىللىق سانلىق مەلۇماتلارنى ئانالىز قىلماقتا.
شۇ كۈنى، ج خ مىنىستىرلىقى يوقاپ كەتكەن بالىلارنىڭ ئۇچۇرىنى دەرھال ئېلان قىلىش سۇپىسىنىڭ 3- قارارلىق ئىشلىتىلىش مۇراسىمىنى ئۆتكۈزدى. ج خ مىنىستىرلىقىدىن ئىگىلىنىشىچە، جامائەت خەۋپسىزلىكى مىنىستىرلىقى يوقاپ كەتكەن بالىلارنىڭ ئۇچۇرىنى دەرھال ئېلان قىلىش سۇپىسىدىكى«جەم قىلىش» سىستېمىسى ئىشقا سېلىنغان بىر يىلدىن بۇيان، يوقاپ كەتكەن 1317 نەپەر بالىنىڭ ئۇچۇرىنى ئېلان قىلىپ، ئۇنىڭ ئىچىدىكى 1274 نەپەر بالىنى قۇتقۇزۇپ تېپىپ كەلگەن ياكى ئاخىرىقى دېرىكىنى ئېلان قىلغان. يوقاپ كەتكەن ئۇ بالىلارنىڭ تېپىلىش ياكى ئىز-دېرىكى قىلىنىش نىسبىتى %96.74غا يەتكەن. بۇنىڭ ئىچىدە، ئالداپ سېتىۋېتىلگەن بالىلاردىن 40 نەپەر، ئۆيدىن چىقىپ كەتكەن بالىلاردىن 750 نەپەر، يولدىن ئادىشىپ يوقاپ كەتكەن بالىلاردىن 192 نەپەر، سىرتقا چىقىپ ساۋاقدىشىنىڭ ئۆيىگە بېرىش بىلەن يوقاپ كەتكەن بالىلاردىن 67 نەپەر، ئائىلە ماجىراسى ۋە قەرز ماجىراسى دېگەندەك سەۋەبلەر تۈپەيلىدىن بولغان دەپ، يالغان مەلۇمات قىلىنغان بالىلاردىن 114 نەپەر تېپىپ قۇتقۇزىۋېلىنىپ قايتۇرۇپ كېلىنگەن؛ بەختكە قارشى سۇدا تۇنجۇقۇپ ئۆلۈپ كەتكەن بالىلاردىن 75 نەپەر، ۋە باشقا كۈتۈلمىگەن ۋەقەلەردە قازا قىلغان بالىلاردىن يەتتە نەپەر، بەختكە قارشى زىيانكەشلىككە ئۇچرىغان بالىلاردىن 29 نەپەرنىڭ ئىز-دېرىكى ئېلان قىلىنغان.
كۆرۈپ بېكىتكۈچى: موللانىياز تۇنىياز
مەنبە: خەلق تورى