سۈرەتتە: دۆلىتىمىزدە ئىشلەنگەنC919 بەلگىلىك چوڭ تىپتىكى ئايروپىلان جۇڭگو سودا ئايروپىلانى شىركىتى سىناق مەركىزىنىڭ جۇياۋ بازىسىدىكى ئايروپىلان ئامبىرى ئىچىدە توختىتىپ قويۇلدى (4- ئاينىڭ 11- كۈنى تارتىلغان).
خەلق تورى ئۇيغۇرچە قانىلىنىڭ 19-ئاپرېل بېيجىڭدىن بەرگەن تېلېگراممىسى: 4-ئاينىڭ 18- كۈنى، C919 بەلگىلىك چوڭ تىپتىكى يولۇچىلار ئايرۇپىلانىنى تۇنجى قېتىم ئۇچۇرۇپ باھالاش يىغىنى جۇڭگو سودا ئايروپىلانى شىركىتىنىڭ سىناق مەركىزىدە ئېچىلدى. قاتتىق باھالاش ئارقىلىق، باھالاش كومىتېتى C919 تىپلىق چوڭ تىپتىكى يولۇچىلار ئايرۇپىلانىنىڭ تۇنجى ئۇچۇرۇلۇپ باھالاشتىن ئۆتكەنلىكى، بارلىق يۇقىرى سۈرئەتلىك تېيىلىش سىنىقى تاماملانغاندىن كېيىن، پۇرسەت تاللاپ تۇنجى قېتىم ئۇچۇرۇلسا بولىدىغانلىقىغا بىردەك قوشۇلدى.
بۇ C919 تىپلىق چوڭ تىپتىكى يولۇچىلار ئايرۇپىلانىنىڭ تۇنجى ئۇچۇرۇلۇشى چوڭ تىپتىكى يولۇچىلار ئايرۇپىلانى ياساشتا مۇھىم بىر قەدەم بېسىلغانلىقىدىن دېرەك بېرىدۇ. تونۇشتۇرۇلۇشىچە، بۇ قېتىمقى باھالاش 3-ئاينىڭ 20-كۈنى تۇنجى ئۇچۇش بويىچە تېخنىكىلىق باھالاشتىن كېيىن، C919 بەلگىلىك چوڭ تىپتىكى يولۇچىلار ئايرۇپىلانى تاماملىغان تۇنجى قېتىملىق ئۇچۇشتىن ئاۋالقى ئەڭ ئاخىرقى بىر تۈرلۈك باھالاش ۋەزىپىسى ئىكەن.
كۆرۈپ بېكىتكۈچى: ياسىن قادىر
مەنبە: خەلق تورى