خەلق تورى ئۇيغۇرچە قانىلىنىڭ 13-فېۋرال بېيجىڭدىن بەرگەن تېلېگراممىسى: 12-فېۋرال سائەت 19 دىن 04 مىنۇت ئۆتكەندە، ئېلىمىزنىڭ شىچاڭ سۈنئىي ھەمراھ قويۇپ بېرىش مەركىزىدە «ئەمەلىيەت-13» ناملىق سۈنئىي ھەمراھ «ئۇزۇن سەپەر-3» ناملىق B تىپلىق توشۇغۇچى راكىتادىن مۇۋەپپەقىيەتلىك قويۇپ بېرىلدى. بۇ، ئېلىمىزنىڭ تۇنجى يۇقىرى ئېقىملىق ئالاقە سۈنئىي ھەمراھى، شۇنداقلا ئېلىمىزنىڭ تېخنىكا تەجرىبىسى ۋە ئۈلگىسىدىن پايدىلىنىپ مۇۋەپپەقىيەتلىك بىرلەشتۈرگەن تىپ بولۇپ، ئېلىمىزنىڭ ئالاقە سۈنئىي ھەمراھ تېخنىكىسىنى ئىلگىرى سۈرۈش ۋە كەسىپ ھالقىما تەرەققىياتىدا مۇھىم ئابىدىلىك ئەھميىتىگە ئىگە.
«ئەمەلىيەت-13» ناملىق سۈنئىي ھەمراھ «شەرق قىزاردى-3» ناملىق B سۇپىسىدىن تولۇق سەپلەنگەن تۇنجى يۇلتۇز بولۇپ، لايىھەلىنىش ئۆمرى 15 يىل. سۈنئىي ھەمراھ ئېلېكتر ئىتتىرىش، Ka خەۋەرلىشىش يۈكى، يۇقىرى ئوربىتىلىق لازېرلىق ئالاقىلىشىش قاتارلىق ئېلىمىزنىڭ ئاۋىئاتسىيە تېخنىكىسىنىڭ ھالقىما تەرەققياتىنى چەكلەيدىغان بىر قاتار ھالقىلىق تېخنكىلارنى بۆسۈپ، ئوربىتىدا «شەرق قىزاردى-3» ناملىق B سۇپىنىڭ ئىقتىدارى ۋە خۇسۇسىيەت كۆرسەتكۈچىنى باھالاشنى، ئېلىمىزنىڭ كەڭ بەلباغلىق كۆپ ۋاسىتىلىق سۈنئىي ھەمراھ ئالاقە سىستېمىسىنىڭ كەسپىي تەجرىبىسىنى ئىشلەش، سۈنئىي ھەمراھ، يەر يۈزى قوش يۆنىلىشلىك يۇقىرى سۈرئەتلىك لازېرلىق ئالاقە تېخنىكىسى ۋە ئۇنىڭدىن پايدىلىنىش ئۈستىدە ئىزدىنىشنى ئىشقا ئاشۇرىدۇ.
شىنجاڭ گېزىتى تەرجىمىسى
مەنبە: خەلق تورى