- مۇھىم
- مەملىكەت
- شىنجاڭ
- خەلقئارا
«ھۆكۈمەت خىزمىتىدىن دوكلات» ئېلان قىلىندى
2017.03.17 16:07 مەنبە: خەلق تورى
خەلق تورى ئۇيغۇرچە قانىلىنىڭ 17-مارت بېيجىڭدىن بەرگەن تېلېگراممىسى: 16-مارت، زۇڭلى لى كېچياڭنىڭ گوۋۇيۈەنگە ۋاكالىتەن 12-نۆۋەتلىك مەملىكەتلىك خەلق قۇرۇلتىيىنىڭ 5-يىغىنىغا بەرگەن «ھۆكۈمەت خىزمىتىدىن دوكلات»نىڭ تولۇق تېكىستى ئېلان قىلىندى. 3-ئاينىڭ 15- كۈنى، 12-نۆۋەتلىك مەملىكەتلىك خەلق قۇرۇلتىيى 5-يىغىنىدا ھۆكۈمەت خىزمىتىدىن دوكلات توغرىسىدىكى قارار ئاۋازغا قويۇلۇپ ماقۇللىنىپ، بۇ دوكلات تەستىقلاندى.
دوكلات: 2016-يىللىق خىزمەتلەرنى ئەسلەش، 2017- يىللىق خىزمەتلەرنىڭ ئومۇمىي ئورۇنلاشتۇرمىسى ۋە 2017-يىلى ئىشلىنىدىغان نۇقتىلىق خىزمەت ۋەزىپىلىرى قاتارلىق جەمئىي ئۈچ قىسىمغا بۆلۈنگەن.
دوكلاتتا مۇنۇلار كۆرسىتىلدى: 2017-يىللىق تەرەققىياتنىڭ ئاساسلىق كۆزلىمە نىشانى: ئىچكى ئىشلەپچىقىرىش ئومۇمىي قىممىتىنى %6.5 ئەتراپىدا ئاشۇرۇش، ئەمەلىي خىزمەت داۋامىدا تېخىمۇ ياخشى نەتىجىلەرنى قولغا كەلتۈرۈش؛ ئاھالە ئىستېمال باھاسىنىڭ ئۆسۈش نىسبىتى %3 ئەتراپىدا بولۇش؛ شەھەر- بازارلاردا يېڭىدىن ئىشقا ئورۇنلاشقانلارنى 11 مىليوندىن ئاشۇرۇش، شەھەر- بازارلاردىكى تىزىملانغان ئىشسىزلار نىسبىتىنى %4.5 ئىچىدە تىزگىنلەش؛ ئىمپورت–ئېكسپورتتا مۇقىم ياخشىلىنىشنى ئىشقا ئاشۇرۇش، خەلقئارا كىرىم-چىقىمدا ئاساسىي تەڭپۇڭلۇقنى ساقلاش؛ ئاھالىلەر كىرىمى بىلەن ئىقتىسادنىڭ ئېشىشىنى ئاساسىي جەھەتتىن ماس قەدەملەشتۈرۈش؛ بىرلىك ئىچكى ئىشلەپچىقىرىش ئومۇمىي قىممىتىنىڭ ئېنېرگىيە سەرپىياتىنى %3.4تىن كۆپرەك تۆۋەنلىتىش، ئاساسلىق بۇلغىما قويۇپ بېرىش مىقدارىنى داۋاملىق تۆۋەنلىتىش.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
${KEYWORD}
ئالاقىدار خەۋەرلەر