خەلق تورى ئۇيغۇرچە قانىلىنىڭ 20- يانۋار بېيجىڭدىن بەرگەن تېلېگراممىسى:19- يانۋار، شەندۇڭ ئۆلكىسى دېجوۋ شەھەرلىك ئوتتۇرا خەلق سوت مەھكىمىسى، جۇڭگو نېفىت-تەبىئىي گاز گۇرۇھى شىركىتىنىڭ سابىق باش دىرېكتورى لياۋ يۇڭيۈەننىڭ پارا ئېلىش ۋە نۇرغۇن مال-مۈلۈكنىڭ كېلىش مەنبەسى ئېنىق بولماسلىق دېلوسى ئۈستىدە ئاشكارا ھۆكۈم ئېلان قىلىنىپ، جاۋابكار لياۋ يۇڭيۈەننىڭ پارا ئېلىش جىنايىتىگە 12 يىللىق مۇددەتلىك قاماق جازاسى ھۆكۈم قىلىندى، ھەمدە بىر مىليون 500 مىڭ يۈەن خەلق پۇلى جەرىمانە قويۇلدى؛ زور مىقداردىكى مال-مۈلۈكنىڭ كېلىش مەنبەسى ئېنىق بولماسلىق جىنايىتى بىلەن بەش يىل ئالتە ئايلىق مۇددەتلىك قاماق جازاسىغا ھۆكۈم قىلىندى، 15 يىللىق مۇددەتلىك قاماق جازاسى ئىجرا قىلىش قارار قىلىندى، ھەمدە بىر مىليون 500 مىڭ يۈەن جەرىمانە قويۇلدى. تۇتۇپ قېلىپ ئەنگە ئېلىنغان لياۋ يۇڭيۈەننىڭ پارا ئېلىش ئارقىلىق ئېرىشكەن مال-مۈلۈك ۋە مەنبەسى ئېنىق بولمىغان مال-مۈلۈكلىرى قانۇن بويىچە خەزىنىگە تاپشۇرۇلىدۇ.
كۆرۈپ بېكىتكۈچى: موللانىيازتۇنىياز
مەنبە: خەلق تورى