- مۇھىم
- مەملىكەت
- شىنجاڭ
- خەلقئارا
خەلق ئىشلىرى مىنىستىرلىقى خەير-ساخاۋەت تەشكىلاتلىرىنىڭ يىللىق خەير-ساخاۋەت پائالىيىتى چىقىمىغا قارىتا «لاياقەتلىك چېكى» تەسىس قىلىدۇ
2016.08.26 15:32 مەنبە: خەلق تورى
خەلق تورى ئۇيغۇرچە قانىلىنىڭ 26-ئاۋغۇست بېيجىڭدىن بەرگەن تېلېگراممىسى: خەلق ئىشلىرى مىنىستىرلىقى 25-ئاۋغۇست ئۇقتۇرۇش چۈشۈرۈپ 25-ئاۋغۇستتىن باشلاپ 31-ئاۋغۇستقىچە، خەير-ساخاۋەت تەشكىلاتلىرىنىڭ خەير-ساخاۋەت پائالىيىتىنى قانات يايدۇرۇشتىكى يىللىق چىقىمى ۋە باشقۇرۇش خىراجىتى ئۆلچىمى توغرىسىدا ئاشكارا پىكىر ئېلىپ، تۈرلۈك خەير-ساخاۋەت تەشكىلاتلىرىنىڭ يىللىق خەير-ساخاۋەت پائالىيىتى چىقىمىغا قارىتا «لاياقەتلىك چېكى» تەسىس قىلىپ، ئاشكارا ئىئانە توپلاش سالاھىيىتىگە ئىگە فوند جەمئىيەتلىرىنىڭ يىللىق خەير-ساخاۋەت پائالىيىتى چىقىمىنىڭ بۇلتۇرقى ئومۇمىي كىرىمىنىىڭ %70 ىدىن كەم بولماسلىقىنى ئېنىق ئوتتۇرىغا قويدى.
ئېلىنغان پىكىر ئارگىنالىغا ئاساسلانغاندا، خەير-ساخاۋەت تەشكىلاتلىرىدىكى ئاشكارا ئىئانە توپلاش سالاھىيىتىگە ئىگە فوند جەمئىيەتلىرىنىڭ يىللىق خەير-ساخاۋەت پائالىيىتى چىقىمى بۇلتۇرقى ئومۇمىي كىرىمىنىىڭ %70 ىدىن كەم بولماسلىقى، يىللىق باشقۇرۇش ھەققىنىڭ شۇ يىللىق چىقىمىنىڭ %10 ىدىن يۇقىرى بولماسلىقى كېرەك. خەير-ساخاۋەت تەشكىلاتلىرىدىكى ئاشكارا ئىئانە توپلاش سالاھىيىتىگە ئىگە ئىجتىمائىي تەشكىلاتلار ۋە ئىجتىمائىي مۇلازىمەت ئاپپاراتلىرىنىڭ يىللىق خەير-ساخاۋەت پائالىيىتى چىقىمى بۇلتۇرقى ئومۇمىي كىرىمىنىىڭ %70 ىدىن كەم بولماسلىقى، يىللىق باشقۇرۇش ھەققىنىڭ شۇ يىللىق ئومۇمىي چىقىمىنىڭ %13 ىدىن يۇقىرى بولماسلىقى كېرەك.
شىنجاڭ گېزىتى تەرجىمىسى
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر