يېقىندا پۈتۈن مەملىكەتنىڭ ھەرقايسى جايلىرىدىكى يۇقىرى سۈرئەتلىك تاشيوللارنىڭ قىسمەن بۆلەكلىرىدە يوللار توسۇلۇپ كەتكەن ئەھۋاللار كۆرۈلگەن. مۇخبىر زىيارەت جەريانىدا قىسمەن شوپۇرلارنىڭ مەدەنىيەتسىزلىك قىلىپ، يول بويىغا ئەخلەت تاشلاپ، چاغانلىق قاتناش مۇھىتىغا ئېغىر تەسىر يەتكۈزگەنلىكىنى بايقىغان.
چاغان مەزگىلىدە خۇنەن ئۆلكىسى چېگرىسى ئىچىدىكى شياڭجياڭ -يىياڭ يۇقىرى سۈرئەتلىك تاشيولىدا، چاڭدې، يىياڭ قاتارلىق شەھەرلەردىن چاڭشاغا كىرىدىغان غول لىنىيەلەردە چاغاننىڭ 5-كۈنى قاتناشنىڭ يۇقىرى پەللىسى كۆرۈلۈپ، يوللار توسۇلۇپ كەتكەن. بۇ لىنىيەنى بويلىغان يولنىڭ ئىككى تەرىپىمۇ ئەخلەتلەرگە توشۇپ كەتكەن. ئالاقىدار خادىمنىڭ تونۇشتۇرۇشىچە، بۇ لىنىيەدىكى 60 كىلومېتىرلىق بۆلەكتە كۈنىگە تەخمىنەن 20 توننا ئەخلەت تازىلانغان. تەخمىنەن بىر مۇھىت ئاسراش ئىشچىسى 12 سائەتتە يېرىم توننا ئەخلەت تازىلىغان.
«جۇڭخۇا خەلق جۇمھۇرىيتى يول قاتناش بىخەتەرلىك قانۇنى» نىڭ 66-بەلگىلىمىسىگە ئاساسلانغاندا، ئاپتوموبىلغا ئولتۇرغانلار سىرتقا قالايمىقان نەرسە تاشلىماسلىقى، شوپۇرنىڭ ئاپتوموبىل ھەيدىشىگە تەسىر يەتكۈزمەسلىكى كېرەككەن. قاتناش تارماقلىرى كەڭ شوپۇر دوستلارنىڭ مەدەنىيەتلىك ئاپتوموبىل ھەيدەپ مۇھىت ئاسراشنى ئەسكەرتكەن.