- مۇھىم
- مەملىكەت
- شىنجاڭ
- خەلقئارا
28 جاي ئەڭ تۆۋەن مائاش ئۆلچىمىنى ئۆستۈردى
2015.12.31 14:29 مەنبە: جۇڭگو ئۇيغۇرچە رادىيو تورى
دەسلەپكى مەلۇماتقا قارىغاندا، 2015-يىلى 28-دېكابىرغىچە، جەمئىي 27 ئۆلكە، ئاپتونوم رايون، مەركەزگە بىۋاسىتە قاراشلىق شەھەر ۋە شېنجېن شەھىرى ئەڭ تۆۋەن مائاش ئۆلچىمىنى تەڭشەپ، ئوتتۇرىچە %14 كۆپەيتكەن، مەملىكەت بويىچە ئايلىق ئەڭ تۆۋەن مائاش ئۆلچىمى ئەڭ يۇقىرى بولغىنى شېنجېن شەھىرى بولۇپ، ئۆلچىمى 2030 يۈەنگە يەتكەن؛ سائەتلىك ئەڭ تۆۋەن مائاش ئۆلچىمى ئەڭ يۇقىرى بولغىنى بېيجىڭ شەھىرى بولۇپ، 18 يۈەن يەتتە موغا يەتكەن.
گەرچە 2015-يىلى كىرگەندىن بۇيان، جۇڭگو ئىقتىسادىنىڭ تۆۋەنلەش بېسىمى يەنىلا بىر قەدەر چوڭ بولغان بولسىمۇ، لېكىن ئەڭ تۆۋەن مائاش ئۆلچىمىنى ئۆستۈرگەن جايلارنىڭ سانى يەنىلا بۇلتۇرقىدىن ئېشىپ كەتكەن. ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ سانلىق مەلۇماتىدىن ئايان بولۇشىچە، 2014-يىلى مەملىكەت بويىچە 19 جاي ئەڭ تۆۋەن مائاش ئۆلچىمىنى تەڭشىگەن. بىراق، ئەڭ تۆۋەن مائاش ئۆلچىمىنىڭ ئېشىشى ئاستىلاش يۈزلىنىشىدە يەنىلا ئۆزگىرىش بولمىغان.
مۇتەخەسسىسلەر مۇنداق دەپ قارىدى: جۇڭگو ئىقتىسادىنىڭ يۇقىرى سۈرئەتتە ئېشىشتىن ئوتتۇراھال يۇقىرى سۈرئەتتە ئېشىشقا قاراپ مېڭىشىغا ئەگىشىپ، كەلگۈسىدە ئاھالىلەرنىڭ كىرىمىنىڭ تېز سۈرئەتتە ئېشىشى بەلگىلىك تەسىرگە ئۇچرىشى شۇنداقلا كارخانىلار بەرداشلىق بېرىش ئىقتىدارىنى ئويلىشىپ، ئەڭ تۆۋەن مائاشنى مۇۋاپىق تەڭشىشىشى مۇمكىن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەرھابا ئەبەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
