- مۇھىم
- مەملىكەت
- شىنجاڭ
- خەلقئارا
ئېلىمىز يېمەكلىك دورا بىخەتەرلىك ئىناۋەت سىستېمىسى قۇرۇلۇشىنى ئىلگىرى سۈرىدۇ
2015.12.18 09:22 مەنبە: جۇڭگو ئۇيغۇرچە رادىيو تورى
دۆلەتلىك يېمەكلىك دورا نازارەت قىلىپ باشقۇرۇش باش ئىدارىسى 15-دېكابىر يېمەكلىك دورا بىخەتەرلىك ئىناۋەت سىستېمىسى قۇرۇش توغرىسىدىكى يېتەكچى پىكىرنى ئېلان قىلدى. يېمەكلىك دورا ئىشلەپچىقىرىش تىجارەت كارخانىلىرى ۋە ئالاقىدار خادىملارنىڭ ئىناۋەت دەرىجىسىنى باھالاشنى قانات يايدۇرۇپ، لەۋزىدە تۇرۇشقا ئىلھاملاندۇرۇپ، ۋەدىسىگە ئەمەل قىلمىغانلارنى جازالاپ، يېمەكلىك دورا بىخەتەرلىكىگە زور دەرىجىدە كاپالەتلىك قىلىدۇ.
تونۇشتۇرۇلۇشىچە، يېمەكلىك دورا بىخەتەرلىك ئىناۋەت سىستېما قۇرۇلۇشى مۇنداق ئۈچ باسقۇچقا بۆلۈنىدىكەن:
(1) 2016-يىلىنىڭ ئاخىرىدىن ئىلگىرى كارخانا ۋە ئالاقىدار خادىملارنىڭ ئىناۋەت ئۇچۇر ئارخىپى تۇرغۇزۇلۇپ، ئىناۋەت ئۇچۇرى شىفىر ئىسكىلاتى قۇرۇش خىزمىتى باشلىنىپ، ئىناۋەت دەرىجىسىنى باھالاش مېخانىزمىنى دەسلەپكى قەدەمدە ئورنىتىش.
(2) 2017-يىلىدىن 2018-يىلىغىچە يېمەكلىك دورا بىخەتەرلىكى ئىناۋەت ئۇچۇرى شىفىر ئىسكىلاتىنى دەسلەپكى قەدەمدە ئورنىتىپ، يېمەكلىك دورا ئىشلەپچىقىرىش تىجارەت كارخانىلىرىنىڭ ئىناۋىتىنى باھالاش تۈزۈمى ۋە دەرىجىگە ئايرىپ باشقۇرۇش ئۆلچىمىنى مۇكەممەللەشتۈرۈپ، ئىناۋەت سىستېمىسى قۇرۇلۇشىنى ئومۇميۈزلۈك ئىلگىرى سۈرۈش.
(3) 2019-يىلىدىن 2020-يىلىغىچە دۆلەتلىك ، ئۆلكىلىك، شەھەرلىك، ناھىيەلىك يېمەكلىك دورا نازارەت قىلىپ باشقۇرۇش تارماقلىرى ئارىسىدىكى ئالاقىنى راۋانلاشتۇرىدىغان يېمەكلىك دورا بىخەتەرلىكى ئىناۋەتلىك ئۇچۇرى شىفىر ئىسكىلاتىنى قۇرۇپ، يېمەكلىك دورا ئىشلەپچىقىرىش تىجارەت كارخانىلىرى ۋە ئالاقىدار خادىملارنىڭ ئىناۋىتىنى دەرىجىگە ئايرىپ باشقۇرۇشنى دەسلەپكى قەدەم ئىشقا ئاشۇرۇپ، جەمئىيەت بىرلىككە باشقۇرۇش قېلىپىنى شەكىللەندۈرۈش.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەرھابا ئەبەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
