13-دېكابىر ئۆتكۈزۈلگەن نەنجىڭ چوڭ قىرغىنچىلىقىدا قازا قىلغانلارغا دۆلەت بويىچە تەزىيە بىلدۈرۈش مۇراسىمىدىن كۆرۈنۈش
خەلق تورى ئۇيغۇرچە قانىلىنىڭ 14-دېكابىر بېيجىڭدىن بەرگەن تېلېگراممىسى: ج ك پ مەركىزىي كومىتېتى، گوۋۇيۈەن 13-دېكابىر چۈشتىن بۇرۇن نەنجىڭ شەھەرلىك ياپون تاجاۋۇزچىلىرىنىڭ نەنجىڭ چوڭ قىرغىنچىلىقىدا قازا قىلغان قېرىنداشلار خاتىرە سارىيىدا 2015-يىللىق نەنجىڭ چوڭ قىرغىنچىلىقىدا قازا قىلغانلارغا دۆلەت بويىچە تەزىيە بىلدۈرۈش مۇراسىمى ئۆتكۈزدى. ج ك پ مەركىزىي كومىتېتى سىياسىي بيۇروسىنىڭ ئەزاسى، مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى لى جيەنگو مۇراسىمغا قاتناشتى ۋە سۆز قىلدى.
لى جيەنگو مۇنداق دېدى: بۈگۈن بۇ يەردە داغدۇغىلىق تەزىيە بىلدۈرۈش مۇراسىمى ئۆتكۈزۈپ، نەنجىڭ چوڭ قىرغىنچىلىقىدا قازا قىلغان بىگۇناھ كىشىلەرنى، ياپون تاجاۋۇزچىلىرىنىڭ ئېچىنىشلىق قىرغىن قىلىشىغا ئۇچراپ قازا قىلغان قېرىنداشلىرىمىزنى، جۇڭگو خەلقىنىڭ ياپونغا قارشى ئۇرۇشتا غەلىبىنى قولغا كەلتۈرۈشى ئۈچۈن ھاياتىنى تەقدىم قىلغان ئىنقىلابىي قۇربانلار ۋە مىللىي قەھرىمانلارنى ئەسلىدۇق. مۇشۇ پەيتتە ئۆتمۈشنى ئەسلىسەك ئىنسانلار تارىخىدىكى ئەڭ زۇلمەت، پاجىئەلىك كۆرۈنۈش كۆز ئالدىمىزغا كېلىدۇ. قانچىلىك ۋاقىت ئۆتۈشىدىن قەتئىينەزەر بۇ كۈن تارىختا مەڭگۈ ئۇنتۇلمايدۇ. نەنجىڭ چوڭ قىرغىنچىلىقى پاجىئەلىك دېلوسىدىن ئىبارەت دۇنياۋى ئەھمىيەت ۋە مۇھىم تەسىرگە ئىگە تارىخ دەرسلىكى، پۈتۈن دۇنيا خەلقىگە تارىختىن ئىبرەت ئېلىپ، كەلگۈسىگە يۈزلىنىپ، تىنچلىق ئۈچۈن تۆھپە قوشۇشنى بىلدۈرىدۇ.
شىنجاڭ گېزىتى تەرجىمىسى
مەنبە: خەلق تورى