خەلق تورى ئۇيغۇرچە قانىلىنىڭ 19-ئۆكتەبىر بېيجىڭدىن بەرگەن تېلېگراممىسى(مەلىكەم):ئېلىمىزنىڭ تۇنجى نۆۋەتلىك ئۇيغۇر خەلق داستانلىرى خەلقئارالىق ئىلمىي مۇھاكىمە يىغىنى 19-ئۆكتەبىر بېيجىڭدا ئىچىلدى. بۇ قېتىمقى ئىلمىي مۇھاكىمە يىغىنى جۇڭگو ئىجتىمائىي پەنلەر ئاكادېمىيەسى مىللەتلەر ئەدەبىياتى تەتقىقاتخانىسى بىلەن شىنجاڭ ئۇيغۇر ئاپتونۇم رايونلۇق ئەدەبىيات-سەنئەتچىلەر بىرلەشمىسى ئۇيۇشتۇرغان، شىنجاڭ ئۇيغۇر ئاپتونۇم رايونلۇق خەلق ئېغىز ئەدەبىياتى جەمئىيىتى ئۆتكۈزگەن. بۇ ئۇيغۇر خەلق داستانلىرىنى قوغداش ۋە ئۇنىڭغا ۋارىسلىق قىلىش نەتىجىلىرىنى نامايەن قىلدىغان، شۇنداقلا ئۇيغۇر خەلق داستانى ھەققىدە ئىلىمىي مۇھاكىمە ۋە تەجرىبە ئالماشتۇردىغان بىر قېتىملىق كاتتا يىغىلىش بولدى.
بۇ قېتىمقى مۇھاكىمە يىغىنىغا شىنجاڭ ئۇيغۇر ئاپتونۇم رايۇندىكى داستان تەتقىقات مۇتەخەسسىسلىرى، داستانچىلار ، ۋە گېرمانىيە، تۈركىيە، ياپونىيە، كورىيە، قىرغىزىستان قاتارلىق دۆلەتلەردىن كەلگەن ئۇيغۇر داستان تەتقىقاتچىلىرى، بېيجىڭدىكى ھەرقايسى ئورۇنلارنىڭ ۋەكىللىرى قاتناشتى. داستان مەدەنىي كۆڭۈل ئېچىش ۋە تەنتەربىيە، نەغمە – ناۋا، ئويۇن كۆرسىتىشنى بىر گەۋدە قىلىنغان ئۇنىۋېرساللىققا ئىگە خەلق ئەدەبىياتى شەكلى. ۋە ئۇيغۇر، قازاق، قىزغىز، موڭغۇل قاتارلىق مىللەتلەرنىڭ خەلق مەدەنىيىتىنى تارقىتىشتىكى مۇھىم ۋاستىسى. ئۇيغۇر داستانلىرى كۆپىنچىسى شېئىرىي نەسرىي ئەسەر ۋە شېئىرىي ئەسەرلەر بىرلەشتۈرۈلگەن شەكلىدە ئىپادىلەنگەن، ئەلۋەتتە تولۇق شېئىرىي تىل بىلەن بايان قىلىنغان داستانمۇ بار، لېكىن يەنە پۈتۈنلەي نەسري ئەسەر تىل ئارقىلىق بايان قىلىنغان داستانمۇ بار. ئۇنىڭدىن باشقا، ئۇيغۇر داستانلىرى ئۇيغۇر 12 مۇقام ئىچىدىمۇ ئۆز ئىپادىسىنى تاپقان.12 مۇقامنىڭ ئۈچتىن بىر قىسىم مەزمۇنى ئەلئارا داستان. تولۇقسىز ستاتىستىكىغا ئاساسلانغاندا، نەشر قىلىنغان ياكى ژۇرناللاردا ئېلان قىلىنغان داستان 110 پارچىغا يېتىدۇ. بۇ ئۇيغۇر ئەدەبىياتىنىڭ تەرەققىياتى ئۈچۈن زور ئەھمىيەتكە ئىگە.
بۇ قېتىمقى مۇھاكىمە يىغىنى داستان ئالىملىرىنى بىر قېتىملىق پىكىرلىشىدىغان ئالاقە سۇپىسى بىلەن تەمىنلىدى.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى