- مۇھىم
- مەملىكەت
- شىنجاڭ
- خەلقئارا
دىپلوماتىيە مىنىستىرلىقى جاررېتنىڭ دالەيلامانىڭ تۇغۇلغان كۈنىنى تەبرىكلەش پائالىيتىگە قاتناشقانلىقى توغرىسىدا مۇخبىرنىڭ سوئالغا جاۋاب بەردى
2015.07.14 17:43 مەنبە: خەلق تورى
شىنخۇا تورى، بېيجىڭ، 13-ئىيۇل تېلېگراممىسى. دىپلوماتىيە مىنىستىرلىقىنىڭ باياناتچىسى خۇا چۈنيىڭ 13-ئىيۇل ئامېرىكا زۇڭتۇڭىنىڭ يۇقىرى دەرىجىلىك مەسلىھەتچىسىنىڭ دالەيلامانىڭ تۇغۇلغان كۈنىنى تەبرىكلەش پائالىيىتىگە قاتناشقانلىقى توغرىسىدا مۇخبىرنىڭ سوئالىغا جاۋاب بەرگەندە: جۇڭگو بۇنىڭدىن قاتتىق نارازى ۋە قەتئىي قارشى تۇرىدۇ، دېدى.
مۇخبىر: خەۋەر قىلىنىشىچە، زۇڭتۇڭ ئوبامانىڭ يۇقىرى دەرىجىلىك مەسلىھەتچىسى جاررېت 10-ئىيۇل نيۇيوركتا دالەيلامانىڭ 80 ياشقا كىرگەن تۇغۇلغان كۈنىنى تەبرىكلەش پائالىيىتىگە قاتناشقان، جۇڭگو بۇنىڭغا قانداق باھا بېرىدۇ؟
خۇا چۈنيىڭ مۇنداق دېدى: ئامېرىكا جۇڭگونىڭ كۆپ قېتىم مەسلىھەت بەرگەنلىكىگە پەرۋا قىلماي، يۇقىرى دەرىجىلىك ئەمەلدارنى دالەيلاما بىلەن ئۇچرىشىشقا قەستەن ئورۇنلاشتۇردى، جۇڭگو بۇنىڭدىن قاتتىق نارازى ۋە قەتئىي قارشى تۇرىدۇ. جۇڭگو-ئامېرىكا مۇناسىۋىتىنىڭ توسقۇنلۇق ۋە زىيانغا ئۇچرىشىدىن ساقلىنىش ئۈچۈن، ئامېرىكىنىڭ شىزاڭنىڭ جۇڭگونىڭ بىر قىسمى ئىكەنلىكىنى ئېتىراپ قىلىش، «شىزاڭ مۇستەقىللىقى»نى قوللىماسلىق توغرىسىدا بەرگەن ۋەدىسىگە قاتتىق ئەمەل قىلىپ، ھەقىقىي تەدبىر قوللىنىش ئارقىلىق خاتالىقىنى تۈزىتىپ، ناچار تەسىرنى تۈگىتىپ، «شىزاڭ مۇستەقىللىقى» كۈچلىرىنى ھەر قانداق قولايلىق ۋە ياردەم بىلەن تەمىنلەشنى توختىتىشقا دەۋەت قىلىمىز. (شىنجاڭ گېزىتى تەرجىمىسى)
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر