خەلق تورى ئۇيغۇرچە قانىلىنىڭ 27-يانۋار بېيجىڭدىن بەرگەن تېلېگراممىسى: 26-يانۋار، گۇاڭشى جۇاڭزۇ ئاپتونوم رايونلۇق يۇقىرى خەلق سوت مەھكىمىسى فاڭچېڭگاڭ شەھىرى «8-ئىيۇن» جۇڭگو ۋيېتنام دۆلەت ھالقىغان بوۋاق بالىلارنى ئالداپ سېتىش ئالاھىدە چوڭ دېلوسىغا ئىككىنچى سوتتا ھۆكۈم ئېلان قىلدى.
شۇ كۈنى، گۇاڭشى جۇاڭزۇ ئاپتونوم رايونلۇق يۇقىرى خەلق سوت مەھكىمىسى فاڭچېڭگاڭ شەھىرى «8-ئىيۇن» جۇڭگو ۋيېتنام دۆلەت ھالقىغان بوۋاق بالىلارنى ئالداپ سېتىش ئالاھىدە چوڭ دېلوسىغا ئىككىنچى سوتتا ھۆكۈم ئېلان قىلدى. ئاساسلىق جىنايەتچى خۇاڭ چىڭخېڭغا بىرىنچى سوتتا بېرىلگەن ئۆلۈم جازاسىنى ساقلاپ قېلىش، خۇاڭ مەنلى، رۇەن شىجۈن قاتارلىق 22 نەپەر جاۋابكارغا بىرىنچى سوتتا بېرىلگەن مۇددەتسىز قاماق جازاسىدىن بىر يىل ئون ئاي مۇددەتلىك قاماق جازاسىغىچە بولغان جازالارنى ساقلاپ قېلىش، رۇەن شى شۆجېنغا بېرىلگەن مۇددەتلىك10 يىللىق قاماق جازاسىنى مۇددەتلىك 8 يىللىق قاماق جازاسىغا ئۆزگەرتىش، ھەم مىڭ يۈەندىن ئونمىڭ يۈەنگىچە جەرىمانە قۇيۇش ھۆكۈمى ئېلان قىلىندى.
2010- يىلدىن باشلاپ، خۇاڭ چىڭخېڭ، خۇاڭ مەنلى ۋە رۇەن شىجۈن قاتارلىقلار بوۋاق بالىلارنى ئالداپ سېتىش جىنايەت گۇرۇھىنى تەدرىجى تەشكىللەپ شەكىللەندۈرگەن. بوۋاقلارنى ۋېيتنامدىن جۇڭگو گۇاڭشىنىڭ دوڭ شىڭشىياڭ شەھىرى ئارقىلىق گۇاڭدۇڭ ئۆلكىسىنىڭ جىيې ياڭ، شەنتوۋ شەھەرلىرىگە ئېلىپ بېرىپ ساتقان ياكى يۆتكىگەن، ھەم ۋېيتناملىق ھامىلدار ئاياللارنى جۇڭگوغا كېلىپ يەڭگىشكە تەشكىللەپ، بالا تۇغۇلغاندىن كىيىن سېتىۋەتكەن.2010- يىلىدىن دېلو پاش بولغانغا قەدەر، بۇ شايكا سېتىۋەتكەن بوۋاق بالا 20 نەچچە نەپەر بولۇپ، بۇنىڭ ئىچىدە جامائەت خەۋپسىزلىك ئورگانلىرى قۇتقۇزۇپ چىققان دېلوغا مۇناسىۋەتلىك بالا 11 نەپەر ئىكەن.
تەرجىمە مۇھەررىرى: ت. ئا.ئەركمان
مەنبە: خەلق تورى