پارتىيە مەركىزىي كومىتېتى سىياسىي بيۇروسى 26-ماي يىغىن ئېچىپ، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىكىنى يەنىمۇ ئىلگىرى سۈرۈش خىزمىتىنى مۇزاكىرە قىلدى. پارتىيە مەركىزىي كومىتېتىنىڭ باش شۇجىسى شى جىنپىڭ يىغىنغا رىياسەتچىلىك قىلدى. يىغىن مۇنداق دەپ قارىدى، زوراۋان، تېررورچىلارغا قاتتىق زەربە بېرىشنى نۆۋەتتىكى ئۇرۇشنىڭ مۇھىم نۇقتىسى قىلىپ، دىنىي مۇتەئەسسىپ كۈچلەرنىڭ سىڭىپ كىرىپ يامراپ كېتىشىنى تىزگىنلەش ۋە زوراۋانلىق تېررورلۇق پائالىيەتلىرىنى توسۇش كېرەك. ئالاھىدە تەدبىر قوللىنىپ جەنۇبىي شىنجاڭنىڭ تەرەققىياتىنى يۆلەش كېرەك. بىڭتۇەننىڭ مۇقىملىقنى قوغداش بويىچە چېگرا ساقلاش ئىقتىدار قۇرۇلۇشىنى كۈچەيتىش كېرەك. شىنجاڭدىكى ھەر دەرىجىلىك، تۈرلۈك مەكتەپلەرنىڭ ئوقۇتۇش سۈپىتىنى ئومۇميۈزلۈك ئۆستۈرۈپ، جەنۇبىي شىنجاڭدا تولۇق ئوتتۇرا باسقۇچىدىكى ھەقسىز مائارىپنى ئومۇميۈزلۈك يولغا قويۇش كېرەك.

گوۋۇيۈەن بەنگۇڭتىڭى يېقىندا «داۋالاش-سەھىيە تۈزۈلمىسى ئىسلاھاتىنى چوڭقۇرلاشتۇرۇشنىڭ 2014-يىللىق نۇقتىلىق خىزمەت ۋەزىپىلىرى»نى ئېلان قىلدى. 2014-يىلى داۋالاش ئىسلاھاتىنى چوڭقۇرلاشتۇرۇشنىڭ نۇقتىلىق خىزمەت ۋەزىپىلىرى ‐‐ ئاساسقا كاپالەتلىك قىلىش، ئاساسىي قاتلامنى كۈچەيتىش، مېخانىزم بەرپا قىلىش تەلىپىگە بىنائەن، گوۋۇيۈەننىڭ 12-بەش يىللىق داۋالاش ئىسلاھاتى يىرىك پىلانىنىڭ يولغا قويۇلۇشىنى داۋاملىق ئىلگىرى سۈرۈپ، ئاممىنىڭ ئىنكاسى كۈچلۈك بولۇۋاتقان گەۋدىلىك مەسىلىلەرنى يېتەكچى قىلىشتا چىڭ تۇرۇپ، ھۆكۈمەت دوختۇرخانىلىرىنى ئىسلاھاتنىڭ مۇھىم نۇقتىسى قىلىپ، داۋالاش، داۋالىنىش سۇغۇرتىسى ۋە تېببىي دورىنىڭ ھەمتۈرتكە بولۇشىنى چوڭقۇر ئىلگىرى سۈرۈپ، ئاساسىي دورا تۈزۈمى ۋە ئاساسىي قاتلام داۋالاش-سەھىيە ئاپپاراتلىرىنىڭ يېڭى ھەرىكەت مېخانىزمىنى مۇستەھكەملەپ ۋە مۇكەممەللەشتۈرۈپ، ئالاقىدار ساھەلەردىكى ئىسلاھاتنى بىرتۇتاش ئىلگىرى سۈرۈپ، داۋالاش ئىسلاھاتىدىن ئىبارەت دۇنياۋى قىيىن مەسىلىنى جۇڭگوچە ئۇسۇلدا ھەل قىلىشتىن ئىبارەت.

2014-يىللىق ئالىي مەكتەپ ئىمتىھانى يېتىپ كېلىش ئالدىدا تۇرماقتا، جايلاردىكى ئالىي مەكتەپلەر يېزا ئوقۇغۇچىلىرىنى قوبۇل قىلىش مەخسۇس ئېتىبار بېرىش سىياسەتلىرىنى تۈزۈپ چىقىپ، يېزا ئوقۇغۇچىلىرىنىڭ ئالىي مەكتەپتە ئوقۇش ئارزۇسىنى ئەمەلگە ئاشۇرۇشى ئۈچۈن يېشىل يول ئاچتى

مالىيە مىنىستىرلىقى، دۆلەتلىك سەھىيە پىلانلىق تۇغۇت كومىتېتى، ئادەم كۈچى ئىجتىمائىي كاپالەت مىنىستىرلىقى يېقىندا بىرلىشىپ، 2014-يىلى يېڭىچە يېزا ھەمكارلىشىپ داۋالىنىش ۋە شەھەر بازار ئاھالىلىرىنىڭ ئاساسى داۋالىنىش سۇغۇرتىسىغا مەبلەغ جۇغلاش ئۆلچىمىنى ئۆستۈرۈش توغرىسىدىكى ئۇقتۇرۇشنى ئېلان قىلدى.

چىڭخەي ئۆلكىسىنىڭ گولمود شەھىرىدىن شىنجاڭ ئۇيغۇر ئاپتونۇم رايونىنىڭ كورلا شەھىرىگە بارىدىغان يەنە بىر تۆمۈر يول تۈرىدە يىل ئىچىدە ئىش باشلىنىدۇ. بۇ تۆمۈر يول پۈتكەندىن كېيىن، بۇ يول تەڭرىتېغىنىڭ شىمالىي ۋە جەنۇبى، گەنسۇ ئۆلكىسى، شىزاڭ ئاپتونۇم رايونى، سىچۈەن ئۆلكىسىنىڭ مەركىزى چېڭدۇ شەھىرى، چىڭخەي ئۆلكىسىنىڭ مەركىزى شىنىڭ شەھىرىگە تەسىر كۆرسىتىدۇ. ئىگىلىشىمىزچە، گولمود-كورلا تۆمۈر يولىنىڭ ئۇزۇنلۇقى 1214.6 كىلومېتىر بولۇپ، بۇ تۈرگە 37 مىليارد 600 مىليون يۈەن مەبلەغ سېلىنىدىكەن.

ھىندىستان چوڭ سايلىمى ئاياغلاشتى، مودى رەھبەرلىكىدىكى ھىندىستان خەلق پارتىيەسى مۇتلەق ئۈستۈنلۈك بىلەن غەلىبە قىلىپ، ئامېرىكا قاتارلىق غەربتىكى كۈچلۈك دۆلەتلەرنى ئوڭايسىز ئەھۋالغا چۈشۈرۈپ قويدى؛ بۇ دۆلەتلەر گەرچە يېڭى دېھلىنى يەنىلا مۇھىم ھەمكارلىق شېرىكى دەپ قارايدىغان بولسىمۇ، لېكىن ئۇزۇندىن بۇيان ئۇلارنىڭ مودىدىن ئىبارەت بۇ مىللەتچى پارتىيە رەھبىرى بىلەن مۇناسىۋىتى ئانچە ياخشى بولماي كەلگەن، ھازىر مودى بىلەن بولغان مۇناسىۋەتنى ياخشىلاش-بىر قول تۇتىدىغان مەسىلىگە ئايلاندى