گۇاڭجۇ كۈندىلىك گېزىتى خەۋىرىگە قارىغاندا، 12 – ماي چۈشتىن كېيىن، خۇيجۇ شەھىرى بولو ناھىيەسى بۇ ناھىيەنىڭ يۈەنجۇ بازىرىدىكى مەلۇم كارخانىنىڭ قارا يامغۇر ياغقان پۇرسەتتىن پايدىلىنىپ ئوغرىلىقچە بۇلغىما سۇ قويۇپ بەرگەنلىكى توغرىسىدا ئومۇمىي ئۇقتۇرۇش چىقارغان.
11 – ماي كېچىدە، تورداشلار بولو ناھىيەسى يۈەنجۇ بازىرى لىۋۇ كەنتىدىكى بېيچۇڭكۇ ئۆستىڭىنىڭ تۇيۇقسىز قىزىل رەڭ ۋە كۆك رەڭگە ئۆزگىرىپ قالغانلىقىنى ئىنكاس قىلغان ھەمدە بۇ بۇلغىمىنىڭ گاۋتۇ كەنتىدىكى بىر سانائەت رايونىدىن كەلگەنلىكىنى ئېيتقان.
12 – ماي چۈشتىن كېيىن، بولو ناھىيەلىك ئېكولوگىيەلىك قوغداش ئىدارىسى ۋە يۈەنجۇ بازىرى دەرھال بىرلەشمە خىزمەت گۇرۇپپىسى تەشكىللەپ نەق مەيدانغا بارغان. تەكشۈرگۈچى خادىملار دەسلەپكى تەكشۈرۈش ئارقىلىق، بۇ بازارنىڭ بەيياۋچيەن كەنتىدىكى مەلۇم گۈل بېسىش زاۋۇتىنىڭ قانۇنسىز ھالدا بۇلغىما قويۇپ بەرگەنلىكىدىن گۇمانلانغان ھەمدە بۇ زاۋۇتنى تەكشۈرۈپ، نەق مەيداندا ئىشلەپچىقىرىشنى توختىتىش ئۇقتۇرۇشى چىقارغان، شۇنداقلا دېلو تۇرغۇزغان. شۇنىڭ بىلەن بىرگە، بېيچۇڭكۇ ئۆستىڭى بويىدىكى بۇلغىما قويۇپ بېرىشقا ئالاقىدار كارخانىلارمۇ ئىشلەپچىقىرىشنى توختىتىپ رەتكە سېلىشنى قارار قىلغان.