- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
دۆلەتلىك سەھىيە پىلانلىق تۇغۇت كومىتېتى: 2-دەرىجىلىكتىن يۇقىرى دوختۇرخانىلار بىمارلار بىلەن قىزىل بولاق بەرمەسلىك ۋە ئالماسلىق كېلىشىمنامىسى تۈزىدۇ
2014.02.21 11:31 مەنبە: جۇڭگو ئۇيغۇرچە رادىيو تورى
دۆلەتلىك سەھىيە پىلانلىق تۇغۇت كومىتېتى يېقىندا «دوختۇرخانا بىلەن بىمارنىڭ «قىزىل بولاق» بەرمەسلىك ۋە ئالماسلىق كېلىشىمنامىسىنى ئىمزالاش خىزمىتى ھەققىدىكى ئۇقتۇرۇشنى» ئېلان قىلدى. ئۇقتۇرۇشتا 2014-يىلى 1-مايدىن باشلاپ، داۋالاش ئاپپاراتى بىلەن دوختۇرخانىغا ياتقان بىمار «دوختۇرخانا بىلەن بىمار ئىككى تەرەپنىڭ قىزىل بولاق بەرمەسلىك ۋە ئالماسلىق كېلىشىمنامىسىنى» ئىمزالاش خىزمىتىنى يولغا قويۇش ئايدىڭلاشتۇرۇلۇپ، 2-دەرىجىلىكتىن يۇقىرى دوختۇرخانىلاردىن جەزمەن يولغا قويۇش، باشقا داۋالاش ئاپپاراتلىرىدىن تەقلىد قىلىپ ئىجرا قىلىش تەلەپ قىلىندى. «ئۇقتۇرۇشتا» مۇنۇلار تەلەپ قىلىندى: داۋالاش ئاپپاراتى بىمار دوختۇرخانىغا كىرىپ 24 سائەت ئىچىدە، داۋالىغۇچى دوختۇر ئارقىلىق بىمار ياكى بىمارنىڭ ۋەكىلىگە «دوختۇرخانا بىلەن بىمارنىڭ قىزىل بولاق بەرمەسلىك ۋە ئالماسلىق كېلىشىمنامىسىنى» بېرىدۇ. ھەمدە سوئاللارغا ئەستايىدىل جاۋاب بېرىدۇ. 2- دەرىجىلىكتىن يۇقىرى دوختۇرخانىلار جۈملىدىن بالنىست بار ئانىلار بالىلار ساقلىقنى ساقلاش دوختۇرخانىلىرى، مەخسۇس كېسەللىكلەر دوختۇرخانىسى قاتارلىقلار بۇنى جەزمەن يولغا قويىدۇ، باشقا داۋالاش ئاپپاراتلىرى تەقلىد قىلىپ ئىجرا قىلسا بولىدۇ.
مەنبە: جۇڭگو ئۇيغۇرچە رادىيو تورى
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر