- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
2014-يىلى تۇرمۇشىمىزغا تەسىر كۆرسىتىدىغان يېڭى بەلگىلىمىلەر
2013.12.30 16:09 مەنبە: جۇڭگو ئۇيغۇرچە رادىيو تورى
2014-يىلى كۆپلىگەن يېڭى بەلگىلىمىلەر يولغا قويۇلىدۇ. بۇنىڭ ئىچىدىكى خەلق تۇرمۇشىغا مۇناسىۋەتلىك بەلگىلىمىلەر تۆۋەندىكىچە:
12-ئاينىڭ 28- كۈنى 12-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 6-سانلىق يىغىنىدا دۆلەت ئىشلىرى مەھكىمىسىنىڭ تۇغۇت سىياسىتىنى تەڭشەش مۇكەممەللەشتۈرۈش توغرىسىدىكى لايىھىسىگە قاراپ چىقىلدى ھەمدە قارار چىقىرىلدى. يىغىندا بىر تەرەپ يالغۇز پەرزەنتلىك بولغان ئەر ئاياللار ئىككى پەرزەنتلىك بولۇش سىياسىتىنى يولغا قويۇش قۇۋۋەتلەندى.
ئىگىلىنىشىچە، ھازىر خېيلوڭجياڭ ئۆلكىسى، شاڭخەي شەھىرى قاتارلىق جايلار تەكشۈرۈشنى قانات يايدۇرۇشقا ئۇيۇشتۇرغان؛ بېيجىڭ شەھىرى، يۈننەن ئۆلكىسى قاتارلىق جايلار قانۇن چىقىرىش تەرتىپىنى باشلىغان.
مالىيە مىنىستىرلىقى ئېلان قىلغان 2014-يىللىق تاموژنا بېجىنى يولغا قويۇش لايىھىسىگە ئاساسەن، ئېلىمىزدە 2014-يىلى 1-ئاينىڭ 1-كۈنىدىن باشلاپ ئىمپورت ئېكسپورت بېجى تەڭشىلىدۇ. بۇنىڭ ئىچىدە خەلق ئاممىسىنىڭ تۇرمۇشى بىلەن زىچ مۇناسىۋەتلىك بولغان تۇرمۇش بۇيۇملىرى ۋە ئاممىۋى تازىلىققا مۇناسىۋەتلىك مەھسۇلاتلارنىڭ ئىمپورت بېجى تۆۋەنلىتىلىپ،خەلقنىڭ تۇرمۇش سەۋىيىسىنى ياخشىلاش ئىلگىرى سۈرىلىدۇ.
كېلەر يىلىدىن باشلاپ، ئىستېمالچىلار باھاسى چۈشۈرۈلگەن ئاپتوموبىللارنى سېتىۋالسا باجنى ئاز تاپشۇرىدۇ. بۇ ئىستېمالچىلارنىڭ باھاسى چۈشۈرۈلگەن ماشىنىلارنى كۆپلەپ سېتىۋېلىشىدىن دېرەك بېرىدۇ.
2014-يىلى 1-ئاينىڭ 1-كۈنىدىن باشلاپ تۆمۈر يول بىخەتەرلىكىنى باشقۇرۇش نىزامى يولغا قويۇلىدۇ. سائەتلىك سۈرئىتى 120 كىلومېتىردىن تىز بولغان پويىزلار قاتنايدىغان تۆمۈر يوللار ئومۇميۈزلۈك يېپىق باشقۇرۇلىدۇ. يولۇچىلار چاقماق پويىز ئىچىدە تاماكا چەكسە، پويىزدىن پارچە پۇرات نەرسىلەرنى سىرتقا ئاتسا، مەجبۇرىي پويىزغا چىقسا ياكى پويىزدىن چۈشۈشنى رەت قىلسا 500 يۈەندىن يۇقىرى، 2000 يۈەندىن تۆۋەن جەرىمانە تۆلەيدۇ.
دۆلەت ئىشلىرى مەھكىمىسى ئىشخانىسىنىڭ دۆلەت ئىشلىرى مەھكىمىسى ئاپپارات ئىسلاھاتى ۋە فۇنكسىيىدە بۇرۇلۇش ياساش لايىھىسىدىكى ۋەزىپە تەقسىماتىنى يولغا قويۇش توغرىسىدىكى ئۇقتۇرۇشقا ئاساسەن، 2014-يىلى 6-ئاينىڭ ئاخىرىدىن ئىلگىرى كۆچمەس مۈلۈكنى بىر تۇتاش تىزىملاش تۈزۈمى چىقىرىلىدۇ ۋە يولغا قويۇلىدۇ؛ئۇچۇر تورىدا ھەقىقىي نامىنى تىزىملاش تۈزۈمى چىقىرىلىدۇ ھەمدە يولغا قويۇلىدۇ.
ئېلىمىزنىڭ ئاسپىرانتلارنى تەربىيىلەش ھەق ئېلىش تۈزۈمى 2014-يىلى كۈزلۈك ئوقۇش مەۋسۈمىدىن باشلاپ ئومۇميۈزلۈك يولغا قويۇلىدۇ. پۈتۈن مەملىكەتتىكى ئاسپىرانتلارنى قوبۇل قىلىش پىلانىغا كىرگەن بارلىق ئاسپىرانتلار ئوقۇش ھەققى تاپشۇرىدۇ.
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
